نرخ فره گيرفان مردم ئاگر داگه
وه هرچوين و هرچنى قيران ئابوورى تائيسه چنگڕ له مل چينيل فريگ له هاووڵاتييل گير كرد‌و روێ له مردمان تريش كييد ئرا فقيرى، و‌لێ ول ئو‌يشا تێبينى ييش كريێد ك نرخ زوورم مادديل خواردمنى له بازاڕيل تاك و جمفرووشى فيشتر بويه.
ئى گشته له به‌رز‌وبوين خراو نرخيل ليوا دياره دسوردارى له‌لى نيه مادام لاينيليگ كه بايسه هاوسنگى و سقامگيرى بارنه‌و له نرخيل و لبان ئى حاڵته بى تكجم وسيانه و حه‌بله‌گه دانسه دس گورا بازرگانيل و ئوانك مينى ليوا درفتيليگ كن.
مردم دنگيان برزو بويو رخنه لى زيايى خراوه له نرخ مادديل خواردمنى گرن ك چووده بان سفره‌ى خوان و هه‌ر له ئيسو مردم له ترس گرانى بازاڕ كن ئرا ئوگ پويل كمتريگ خرج بكن له هاتن وخت گرانى، چوينكه نرخ كاڵا‌يل برزو كرييد، ول ئو‌يشا شكايت ئرا فرجيگ كن وه تايوت ئوانگ تواناى سندن نيرن.
له بڕيگ له هاووڵاتييل ژنفييد كه تويڕه بوون له واجب وزارت بازرگانى كه بشه خوراك له وادى خوى بش نيكيگ تا ولاى كمو بش كميگ له هوجيليان پڕ بكيد ول برزوبوين نرخيل و هر لور ئويش پيشنياز ييش كن ئرا وزارتگه مادديل بنڕتى زياتر بكا له بازاڕيل و ئو بشيل دوياكفتگ خواردمنيه بييگه هاووڵاتييل ك فقرى بشه تموينى و كاريش ئرا بشكردن بشيل زياييش بكيد ئرا نواگيرى له برزوزبوين نرخيل.
ئوگ ئيسه باسه للاى مردم ئوسه كه باس گرانبوين له نرخيل و هوڵ نواگيرى وازيكردنه وه ئو نرخيله، ئى مسليشه تئسير له ئابوورى ئازاد نيريد، چوينكه له گشت وڵاتيل دونيا نواگيرى وازيكردن وه نرخيل كرييد ول وازيكردن وه قووت مردم و دروسكردن پيران و ئزميگ پيوس وه پى.
چوديرێ مردمى كار خواستيگو حكومتيش راى لايه‌نگرى زوورمينه ور‌گرێد له رووڵيل مللت، وه‌تايبت ئوانگ سزيانه وه ئاگر قيران ئابوورى له ئاكام خود سياستيل حكومى ك ئنسافيان نيكيد و مينتى گورايگ ناسه بانيان.
ليرا ئرك حكومت ئوسه گووش له مردم بگرێد و بزانێد حاڵيان چوينه له ژيان و گوزران، ييش بيجگه ئوگ مردميش بايسه پيشنيار خاس و پسن پيشكش بكن و مايى جيوجيكردن بوود ئرا قورتاربوين لى مينتيه ك هاتسه تويشيان.
جاريگتر ئويشيم وزارت بازرگانى تواناى ئوه ديرێد لى ديارده قورتار بوود ئگه‌ر هڵپڵه بكيد له هاورد‌كردن بڕ فريگ مادديل خواردمنى بنه‌ڕ‌تى و بخاد‌ى بازاڕ، وتايبه‌ت ئگه‌ر بتويه‌نێد نواى گناتكارى بگرێد، ك وى جووريشه ئاسانكارى ماددى كييد ئه‌را ماويگ دياريكرياگ لى ورز‌و هان بازرگانيليش ديد وه نرخيل معقوليگ بفرووشن تا فقير بتوينێد بڕيگ له هوجيليان بسينن ئرا تيركردن زگيليان.
ماجد زيدان