جوگرافياى مندلى
ئگر باس له جوگرافياى ناوچى مندلى بكيم ى ناوچه كفیده نزیك كویه ى حمرین له بان مرز عراق – ئیران وه دریژایى 7 كیلۆ متر له خو‌رئاوا. ناوچى مهندلى سر وه پاریزگاى" دیاله"س، كه يه‌يش 95 كيلۆ متر له شار باقووبه دویره.
شار مهندلى كفیده بان ئاو كنگیر، ك ئى ئاوه له ناوچى زهاو ئه‌یاد و له دووڵ هرانه‌و چووده ناو ئیران و كویه ى حمرین بڕید. وه ل ئه‌ویشا له سرچویگ تریش ئاماژه وه ئه‌وه كریاگه ك شار مندلى كفیده ناو دیشتاییگ فراوان، ك دریژیگه ى فیشتره له 95 كم.
مندلى له زنجیره كویه ى حمرین د‌س وپى كييد و له باكوور تا قزاى بدره كووتایى وپى تييد، له باشووریشه و له پاریزگاى كووت. ئى شاره له باقوبه و ئرا لاى باشوور خورهڵات 90 كم دویره و 6 كم له مه‌رز ئیرانيشه و دویره.
مرز مندلى له باكوور ها نزيك مرز قزاى خانقین و له باشووریشه و شار به‌دره له پاریزگاى كووت و له خو‌رهڵاتیشه و ئیران و له خو‌رئاوایش ناحیه ى كنعان و مرز قزاى شاربانه.
مساحه ى مندلى وه گووره ى دابشكردن ئدارى ساڵ 1987، نزیكه ى(6586كم2)ه ، ئنجا ساسان مه‌ندلاوى له وتار" مندلى شاره كورده‌گه له ناونى ئه‌وسا و ئیسه" ئشاره كردگه ك شار مندلى كفیده بان مرز ئیران – عراق و 6 كم دویره له و مه‌رزه و.
سنتر ناحیه ى مندلى سر وه پاریزگاى دیاله س، كفیده باكوور خورهڵات بغدا وه دویرى 50 كم. له باكووریشه و وه زنجیره كویه یل"قشخه"و جیايشى كييد له خانقین و له خورهڵاتیشى كویه ى حمرینه ك جیاى كييد له كویه ى پشتكوو و له باكووریشیه و شار به‌دره س.
مساحه ى مندلى وه گووره ى دابشكردن ئدارى ساڵ 1987 وه پانى نزیكه‌ى 20 – 35 كیلۆ مه‌تره و دریژييشى 70 كیلۆمه‌تر.
فهمى مهدى
