بياوان جووبى
جووبى يكيگه له گوراترين بياوانيل له كشور ئاسيايى و كفيده بشيل باكوور و باكوور خوه‌رئاوا له وڵات چين و بشيل باشوور له منغوليا و جوڵيل تاى و مراعى و سهوب منغوليا كفيده بش باكوور و جوڵ تكلماكان كفيدة ديم خوه‌رئاوا و تپيل تبت له ديم باشوور و هاورييگيش هس له بشيل باكوور چين دس وپى كيد تا بشيل باشوور خورهڵات بياوان باشوورى.
دريژى بياوانگه له پاين بشيل باشوور و تا ئوپڕ بشيل باكوور خوه‌رئاواو مسافت 1500 كيلو متر و پانيگيشى له پاين باكوور تا رسيده ئوپڕ باشوور وه مسافت 800 كيلۆ متر و مساحيشى وه گشتى رسيده مليۆنيگ و 295 كيلۆ متر چوارگووشه.
كش و واى بياوانگه كاريگه‌ره وه واى سه‌رد، چوينكه بياوانگه ها برزايى ناونى 910 متر تا 1500 متر لبان ئاست دريا، نزمترين پليل گرمى له ورز زمسان رسيده 40 پله ژير سفر، ييش لوختيگ معدل پله ى گرمى له ورز تاوسان رسيده 40 پله ى سدى، ول ئويشا معدل وارانوارين له بياوانگه رسيده 195 ملم.
شمارى فريگ له جووريل حيوان له ئى بياوانه وجوود ديرن، لوانيش: ئاسك دويچگ سيه، پڵنگ وفرين، خرس، گورگ، ييش بيجگه وجوود گژ وگياى جوراوجور وك ميرمى بوور و شنان و گيايل تر.
لڕوى سامانيل سروشتييش بڕيگ سامان كانزايى ديريد جوير: مس و تڵا، وتايوت له ناوچى ئويو تولغوى ك كفيده دويرى 80 كيلو متر له مرزيل چينى، له ساڵ 2003 يش كومپانياى ريو تينتو دسكرده ته‌نقيب لبان معادن ول كومپانيايل تر ك لشون كانزا و چارسرى گردين.
ئيسيش له حال حازرين برهم سالانه رسيده 450 هزار تن له مس و 330 ئوقيه له تڵا، ول ئويشا پيشبينى كرييد كاريل ته‌نقيب وردوام بوود ئه‌را گردين لشوون كانزاييل ئرا ماويگ فيشتر له 50 ساڵ.
سرچوه/ ماڵپڕ موزوع