30/03/2023
خێزان و کۆمەڵگە 196 جار بینراوە
چارەسەرە سروشتیەکانی ماڵەوە بۆ بەردی گورچیلە
ئیشراق
بەردی گورچیلە یەکێکە لە دیارترین ئەو کێشانەی کە زۆرێک لێی دەناڵێنن و دەبنە هۆی هەستکردن بە ڕشانەوە و هەندێک جار دەرکەوتنی خوێن لە میزدا، بەردی گورچیلەکان بەهۆی کەمی بەکارهێنانی ئاوەوە درووست دەبن ئەگەر ڕۆژانە کەمتر لە 8-10 پەرداخ ئاو بخۆیت ئەو مەترسی وئەگەری تووشبوون بە بەردی گورچیلە زیاتردەبێت
ئاوی کەمتر لە لەشتدا ناتوانێت ترشی یۆریک کەمکاتەوە، ئەمەش بە نۆرەی خۆی دەبێتە هۆی ترشی زیاد بوونی میز دەبێتە هۆی دروست بوونی بەرد.
دەستنیشانکردنی گونجاو و پلانی چارەسەری گونجاو گرنگە بۆ یارمەتیدان بۆ چارەسەرکردنی کێشەکە و هەندێک چارەسەری سروشتیش هەن کە یارمەتیدەرن بۆ هێورکردنەوەی ئازار و چارەسەرکردنی بەردی گورچیلە، کە بریتین لە:
-ئاو
بۆ چارەسەرکردن و ڕزگاربوون لە بەردی گورچیلەکان، هەمیشە پێشنیار دەکرێت بە بڕێکی زۆر گرنگی بە ئاوی خواردنەوە بدرێت، ئاوی خواردنەوە دەتوانێت یارمەتیدەر بێت لە دواکەوتنی دروست بوونی کریستاڵ و دەرکردنی کالسیۆم و فۆسفۆر لە گورچیلەکان
- تەماتە
تەماتە دەوڵەمەندە بە پێکهاتە بایۆکتیڤەکان وەک سیترات کە دەتوانێت یارمەتی چارەسەری بەردی گورچیلە بدات دەتوانێت بە شێوەیەکی بەرچاو کەم بکاتەوە و ڕێگری بکات لە دروست بوونی بەرد لە گورچیلەکان.
-شەربەتی لیمۆناید
لیمۆ سەرچاوەیەکی دەوڵەمەندە لە ڤیتامین سی و سیترات ناسراوە بۆ کەمکردنەوەی پێکهاتەی کریستاڵ و کەمکردنەوەی زیادەڕەوی میز بە زیادکردنی قەبارەی.
-شەربەتی توور
توێژینەوەکان ئەوە پیشان دەدەن کە بەکارهێنانی شەربەتی توور دەرهینانی ئۆکسالیتی کالسیۆم لە میزدا زیاد دەکات و هەروەها یارمەتی نەهێشتنی هەر کریستاڵێک دەدات کە لەوانەیە لە گورچیلەکانت کۆبێتەوە.