02/10/2023
وەرزش 81 جار بینراوە
قوە جەوییە لە ئاجمەکی بردەوە و چووە پێشەنگ
ئیشراق
لە خولی یانە پاڵەوانەکانی ئاسیا یانەی قووە جەوییەی عێراقی بە دوو گۆڵ بەرامبەر بە گۆڵێک لە ئاجمەکی ئۆزبەکستانی بردەوە
لە یاریەکانی کۆمەڵەی سێەمی قۆناغی کۆمەڵەکانی خولی یانە پاڵەوانەکانی ئاسیا، یانەی قوە جەوییەی عێراقی بووە میوانی ئاجمەکی ئۆزبەکستانی.
لە تایمی یەکەمدا، یاریزانانی قوە جەوییە بە ئاستێکی بەرزەوە دەردەکەوتن و دوو خولەک دوای فیکەی دەستپێکی یاریەکە، عەلی جاسم گۆڵی یەکەمی یانەی قوە جەوییەی تۆمار کرد و ئەو تایمە بە تاکە گۆڵی یانەی میوان کۆتای هات.
لە تایمی دووەمدا، هێرشەکانی قوەجەوییە بۆ سەر گۆڵی ئاجمەک بەردەوامبوون تا لە خولەکی 48 سانژار تورسونۆڤ، یاریزانی ئاجمەک گۆڵێکی بە هەڵە لە خۆیان تۆمار کرد و ئەنجامەکەی لەسەر یانەکە قورستر کرد.
و لە خولەکی 81 سیاڤاش گۆڵی یەکەمی یانەکەی تۆمار کرد و یاریەکە بەم ئەنجامە کۆتای هات.
بەم ئەنجامەش یانەی قوەجەوییە بە کۆکردنەوەی چوار خاڵ لە بە شێوەیەکی کاتی پلەی یەکەمی کۆمەڵەی سێیەم دێت و یانەی ئاجمەک دوای دۆرانی هەردوو یاریەکە هیچ خاڵێکی کۆ نەکردۆتەوە و لە پلەی چوارەمی کۆمەڵەی سێیەم دێت