هونەرمەندیگ شیوەکار وە تابلۆیگ هاودەنگى وەل "تەوەفان ئەقسا کەید: ئەقسا خوین چووڕنید و نیەمرید

ئیشراق

فرەیگ لە رووڵەیل شار حەلەب گردەو بوین لە باخچەى ئەلشەهباء لە ناوڕاس شارەگە ئەرا ئیدانەکردن ئەو جەمکوشییە ک دوشمن ئسرائیلى ئەنجامى دەید دەرهەق وە فلستینیەیل، و لەتى هونەرمەند شیوەکار مەحمود کەریم تابلۆیگ گەورا و چەن قوتییگ رەنگ، دانا و راسەوخۆ دەسکردە دروسکردن تابلۆگە وە ماوەى کەمیگ و رویداگەیل مزگفت ئەقسا لە ئەنجام دەسدریژیەیل داگیرکار ئسرائیلى و هەوڵ وە یەهوودیکردنى کیشا تا رەسیە جەنگ تەوەفانەگەى لەڕوێ ئەو داگیرکەر و تاوانەیلیە.

کەریم وت: نوڕستم ک مەردمان فرەیگ لە باخچە گشتییەگە جەمەو بوینە، و ئەرک بوى ک منیش بەشدارى بکەن و وەلاى کەمەوە هەوڵ بیەم و بویشمە ئەوانەکیش ک تەنانەت خوەنەوارییش نەیرن ک قودس عەربییە و فلستین خوین چووڕنید و وەرگرى کەید وەلێ نیەمرید.

وتیش: هەرکەسیگ ک لەشوون خوەیەوە بەشدارى کەید، لە شیوەیگ ئنسانى و وژدانییەوە وەرجە ئەوەگ بوودە نەتەوەیى، بایەسە حاڵ کەسوکارمان لە فلستین بزانید رەسیەسە کوورا وە هووکار تاوانەیل دوشمن، ک مەرز سەبر و وەرگرى بڕیە.

جى باسە، هونەرمەند شیوەکار مەحمود کەریم لەناوڕاس بەشداربویەیل لەو باخچە دەسکردە دروسکردن ئەو تابلۆ ک وە وشەى قودس دەس وەپى کرد، و لە ناوڕاسیشەوە قوبەى مزگفت گرتە خوەى و پەرچەم سەرکەفتن و چەک مقاومە پیتەیل وتەگەیە لەو تابلۆ.