"هاوردنەوەى ئەزرەت"... نویسەرەیل مسری چوین "تەوەفان ئەقسا" خوەنینەوە؟

ئیشراق

لە ریوڕەسم پەنجا ساڵەى جەنگ ئوکتۆبەر 1973 تا رەسیدە دویەم پەڕینەوە ک فلستینیەیل سەرکردایەتیى کردن لە غەززەوە. نویسەرەیل مسری چوین "تەوەفان ئەقسا" خوەنینەوە؟

سەرد سوڕنەمینید خوەنەوار ئەزیز ئەگەر لە مسر رەسمیگ کویەن محەمەد ئەلدوڕە کەفتە وەرچەود دیوار سەرتاشخانەیگ لە جادەیگ لاوەکى  رازانەسەوە ک ریوارەیل گرنگى وەپى نیەن، ئەیە چشتیگ ئاساییە.

یا ئەگەر بچیدە ناو دەیان ماڵ و رەسم مزگفت قوبەى ئەلسەخرە دید جوور بەشیگ هاوبەش لەناونیان وەبى ریککەفتن، لەوەختیگ کەسەیلیگ سادە لەیوا هویرەو کەن ک رەسمیگ هن مزگفت ئەقساس، یا ئەگەر وەلاى دڵنگشووریگ گوزەر بکەید ک وەپى وتریەید ئەلئەقسا، یا بازاڕیگ وەناو قودس، ئەیە چشتیگ ئاساییە ئەرا ئەو مەردمە لە مانگ ئۆکتۆبەر دوجار مەراسیم پەڕینەوە ئەنجام دان، یەکەمیان لەساڵ 1973 و دویەمیانیش لە ساڵ 2023 لە غەززە.

نویسەر مسرى ئوسامە ئەلڕەحیمى باوەڕى ئەوەسە "پەڕینەوەگە چەنەها دەرکەفتە دیرید، لەوانە:دەرکەفتەى مێژوویى، میراتى، سەربازى و مێتاافۆریکیش، هەرلەیوا کاریگەرى لەبان مێژوو کویەن مسرى دیرید.

لاى خوەییشەوە، محەمەد ئەلزلبانى رووژنامەنویس مسرى مەوقەى ک وت: زوورم ئاگر لە پرش بویچگەوە تیەید" باس لەوە کردگە ک پەڕینەوە ماناى سادەیى هویرکردنەوەو هاوردنەوەى ئەزرەت دەید.