07/10/2023
ثقافة و فن 145 جار بینراوە
"وە رەبابە گورانی چڕى".. بەلیغ حەمدى چوین یەکەم بەیاننامەى گورانى جەنگ ئوکتۆبەر خوەنستەوە؟
ئیشراق
هونەرمەندەیل مسرى لە ئوکتۆبەر ساڵ 1973 جەنگیگ هونەرى هاوتەرتیب وەل جەنگ سەربازى ئەنجام دان و بەلیع حەمدى دەور گەورایگ لەتى دى. چوین؟
نیمەمڕوو 6 تەشرین یەکەم 1973، سەربازەیل مسرى و سوورى لە سینا و جۆلان، پەلامار سیەوایگ ئەرا بان هیزەیل دوشمن ئسرائیلى دەسوەپیکردن، رادیۆى مسر لە شەعات 2:15 خولەک دویاى نیمەڕوو دەسکردە پەخشکردن مەسیرە سەربازییە ناودارەگە، و پەخش یەکەم و دویەم و سێیەم لێدوان سەربازى تا پەخشکردن بەیاننامەى چوارەم، یەیش لە چوارچیوەى پلان پلان خەڵەتانن ستراتیجى دوشمن، ک یەیش لەیوا کرد مەردم لە دەور رادیۆگە جەمەو بوون، و گرنگى تەواویگ بیەنە گشت وشەیگ جوور ئەوەگ باس کریەید.
وەلى پەنجەمین بەیاننامەى سەربازى، بەیاننامەى ترانزێت، ک وە دەنگ رووژنامەنویس وەناوبانگ حلمى ئەلبولەک پەخشکریا، و تەنیا بەیاننامەیگ بوى ک جەهان عەرەبى، و هەرلەیوا دوشمن فەرامووشى نەکرد، ک لەتى وتریا: هیزەیلمان سەرکەفتگ بوین لە هەڵکوتان ئەرا بان کەناڵ سویش لە چەن کەرتیگەوە، و دەس گرتنە بان خاڵەیل پتەو دوشمن، و ئاڵاى مسر بەرزەو کردن لە کنار خوەرهەڵات کەناڵەگە.. ئیرە قاهیرەس.
لەو وەختەیلە بەلیغ حەمدى گورانى "ئەڵڵاهو ئەکبەر" خوەنى وە رەبابەى حەمدى مەنسور.
بەلیغ حەمدی، ئاواز دانەر گەوراى مسرى، یەکەم کەسیگ بوى ئاگر جەنگ گورانى ترانزێت بەرپاکرد، و هەواڵەگە رەسانە شاعیر عەبدولڕەحیم مەنسور ک رەفیقى بوى، تا بەیاننامەى گورانى یەکەم ئەرا مسریەیل بنویسید، و بڕەسنیدەى مەردم، ئەو جارە وە دەنگگ کەمتر تون لە دەنگ پەخش رادیۆیى حلمى ئەلبولەک. دەنگ گورانیچڕ وەردە ئەلجەزائیرى ک هاوسەر بەلیغ حەمدى بوى لەو وەختەیلە.