بازاڕ قاقەز لە سوریا دویاى جەنگ.. گوێڕانکارى و ئاڵشتکارى

ئیشراق

بازرگانى قاقەز لە دیمەشق کویەنە، وەلێ ئمروو جوور فرە شوونەیل تر لە ئەنجام جەنگەگە تویش قەیران بویە. ئمجا با وەقسەى یەکیگ لە مەردمەگەى بزانیم ئەو بازرگانییە و واقعەگەى چەس.

ئادەمیزاد هەر لە کویەنەوە سوقان و پووس ئاژەڵ و دەفر فوخارى و گەڵایەیل نەرم دارەیل جوور وەسیلەیگ ئەرا نویسانن و دەرخست وەکار هاوردگە، هەرلەیوا ئەرا تۆمارکردن و نیشاانە و رەسم، کوچگ نەخشاندن وەکار هاوردگە، وەلێ گشت ئەو وەسیلەیلە وەرجە دوینستنەوەى قاقەز قورس بوین، چوینکە کیشیان قورس بوى و جیوازکردنیان سەخت بوى، تا ئەو وەختەیلە فرعەونیەیل کویەن قاقەز دروسکردن ک لە گەڵا دروس کریاوێد.

قاقەز لە فرەیگ لە پیشەسازیەیل وەکار تیەریەید، جوور وەرگ گرتن و کتاو و رووژنامە و کارتۆن و دویرانن و چاپکردن پویل و وەسیلەیل پاک و تەمیزى لەچوارچیوەى تایبەتمەندیەیل دیاریکریاگیگ.

ئمڕوو بازاڕ قاقەز لە نزیک لە مەدحەت پاشا لە دیمەش کویەن، یا ئەوەگ زویتر وە بازاڕ "سەقالین" ناسریاوێد، یەکیگە لە بازاڕەیل کویەن لە سەردەم عوسمانیەیلەوە، بازاڕەگە ک کویچەیگ تەنگ دیرید، وەکانزایگ دابەشکریاگ پەردەپووش کریاگە.

ئەو بازاڕە چەنەها دوکان تایبەت وە فرووشتن قاقەز گریدە خوەى، جوور دوکان محەمەد حاجى حەسەن، ک نویخانەیلى لە تەمەنیگ پیشوەختەوە لە پیشەى قاقەز فرووشى گەشە کردنە تا ئەزموون ساڵەیلیگ ک رەسیەسە نزیکەى 65 ساڵ، وە جووریگ ک پەنج کوڕەگەى پیشەى باوگیان وەرنەیانە.

حەسەن ئویشید: لە تەمەن دوانزە ساڵانەوە مەوقەى ک مناڵ بویم حەماڵى لە قاقەز کردمەو گەردیمە ئەرا ئەوەگ بفرووشمەى و نمایش بکەم ئەرا دوکانەیل.

وتیش، من دووس پیشەگەى خوەم داشتمە و لەیوا وەپیم هات ئەبجەدییەتى یاى بگرم و گشت جوورە قاقەزیگ بناسم تا وەختیگ ک دوکانیگ تایبەت وەخوەم واز کردم دویاى نزیکەى 10 ساڵ لە کارکردنم.

محەمەد حاجى حەسەن، هەمیش وت: تیەیدە هویرم ک بڕ 4 هەزار لیرەى سوورى دام ئەرا یەک تەن کیسەى قاقەزین لە هۆڵەندا، تا ئەوە بوى رەسیمە ناسین و کارکردن لە گشت جوورە قاقەزیگ.