27/09/2023
رووشنهويرى و هونه‌ر 128 جار بینراوە
مسر: 8 مەخزەن لەناو هەرەم تاریخى "ساحورع" لە جیزە دوینریاوە
ئیشراق
نێردەى شوونەوار هاوبەش مسرى – ئەڵمانى لە زانکۆ فۆرتسپۆرگ وە سەرۆکایەتلاى دکتۆر محەمەد ئسماعیل خالد، لە ناوچەى ئەبو سەیر، ئەرا یەکەمجار سەرکەفت لە دوینستنەوەى قەیرى کۆگا لەناو هەرەم شا ساحورع.
وەگوورەى قسەیل دکتۆر مستەفا وەزیرى ئەمیندار گشتى ئەنجومەن باڵاى شوونەوار، دوینستنەوەى ئەو مەخزەنەیلە رووشنایى خەیدە بان فەلسەفەى ئەندازیارى بیناسازى هەرەم شا ساحورع، دویەم پاشایەیل خانەوادەى پەنجەم (2400 ساڵ وەرجە زاین) و یەکەم پاشای وەخاک سپاریاگ لە ئەبو سەیر لە جیزە (خوەرئاواى قاهیرە).
جى باسە، وەزیرى لە بەیاننامەیگ رووژنامەگەرى، وت: ئەو مەخزەنەیلە ک دوینریانەسەوە بوودە خوەنینەوە ئەرا ئایندە دویاى ئەوەگ تیمەگە کووتایى وە کارەیلى بارید، و کریەیدەوە ئەرا پیشوازیکردن لە سەردانیکەرەیل مسرى و بیگانە لە نزیکترین وەختەیلیگ.