ئۆدیشۆ: شیعر ئەو تۆنەسە لەڕیگەیەوە تویەنیم پەیوەس وەپیەو بویمن وە رۆحانییەت ئادەمیزادەوە

ئیشراق

لە بەش یەکەم کۆمەڵەى شاعیر میمى ئۆدیشۆوە و مەبەسم لە ناونیشانەگەیە "ریشەیل وەل  چەقیان نەکبەوە چەمیانەسەوە" خوەنەر لەوەردەم پیکهاتەیگ زووانگەرى وسیاگە ک ناوەڕووک و بویرى خوەى لە شکانن تابلۆیەیل لە چشتیگ فرە تایبەتەوە ئاشکرا کەید.

قورتاربوین لە مەرزدارکردن نەریت و لەیەکچگن و هەوڵداین تا تویەنید ئەرلا بونیاتناین وجوودیگ شعریى ئازاد لە نەگووڕ و دروشمەیل، لە وەرانوەر پابەندبوینیگ وەهیز و وە ڕووحانییەت ئادەمیزاد و جوانى ناسیى وجوودى دویر لە هەر چشتیگ ک وزەى جەستە و هویرکردنەوە و دوینستنەیلى مەرزدار کەید.

هەر لەوەر ئەوەسە ک ئیمە هسکردن وە  شیعرەیل کەیم ئەرا شرینى و شەفافیەت مۆسیقییان، وەلێ لە وەرانوەر ناشرینى و ستەمکارى و زوڵم و شەڕەیل پڕیم وە هاوار و سەربار پشتبەسانن وە نیشانەو میتۆنیمى، وەلێ رووشناییەگەى هەر درەوشانە و فەلسەفەگەیان سادەس لە روێ واقع تیەریک ئادەمیزاد.

ئمجا لە ناونى غەزەلەیل شەفاف و ئازار وڵاتەیل خەمدارى نائومیدى و روێ وەڕوێ بوینەوەى ستەمکارەیل ئەخلاق و سیاسەت و ئایین و کۆمەڵگا، ئۆدیشۆ باسکردن شیعرى خوەى پەیوەس کەید و لە 395 لاپەڕە چڕیدەى.

 لەیرا 4 بەش لە شیعرەیلى، پیکهاتنە لە "جەنگەیل خورماى ئاوارە، خورمایەیل وەرگیریاگ، خوەنینەوەى جەمارەیل، تەراویح گەڵایەیل خورماى لە خاچ دریاگ" و ئەوەگ فرەترین یەکیان خەید، ئەوانەیش زووانیگە ک دڵسووزى دەنگەگە ئاشکرا کەید و رەسنیدەیانە مەتافۆرەیل تونییەگەى ک ماناگە پشتڕاسەو کەید و لەیوا کەید تیرەیل شیعرەگە وە جوانى بفامیەن لە ناوڕاس ئامانجەیل.

هەر لەوەر ئەوەیش، ئۆدیشۆ باس لەوە کردگە و وتگە، شیعر ئەو تۆنەسە ک لەڕیگەیەوە تویەنیم پەیوەس وەپیەو بویمن وە رۆحانییەت ئادەمیزادەوە.