وەبوونەى سى و پەنجەمین ساڵ دامەزراننیەوە.. چە زانیم لەبارەى دەزگاى ریکخستن و بڵاوکردنەوەى کەلتوورى ئیمام خومەینى (قده)؟

ئیشراق

دەزگاى ریکخستن و بڵاوکردنەوەى کەلتوور ئیمام خومەینى (قده) وە گرنگیداین رەحمەتى سەید ئەحمەد خومەینى دامەزریا لە ساڵ 1988 زاینى.

ئى دامەزیاگە ئەرا ماوەى شەش ساڵ خزمەتگوزاریەیل وەنرخ پیشکەش کرد، لەژیر چەودیرى و رینمایى کوڕ ئیمام و دویاى چگنى وەرپرسیارێتى و مقەیەتیکردن لە حەرەم پاک سەماحەت ئیمام دریا ئەو کوڕەگەى ک ئەویش حوجەتولئسلام و وەلموسلمین سەید حەسەن خومەینى، و وەل فراوانبوین و پەرەسەندن چالاکیەیل لە بوارەیل توێژینەوە، و روشنهویرى، و هونەر، و پەیوەندیەیل، و کاروبار ناودەوڵەتى، و جیگیرکردن، و پلاندانان و بەرنامە، و ئدارى، و دارایى. هەرلەیوا ئەو بەش و دامەزریاگەیلە ک پەیوەس بوین وە ئەوانەوە، جوور کۆلیژ ئیمام خومەینى(قدە)و شۆرش توێژینەوەیل ئسلامى، ک حاڵ حازر حوجەتولئسلام و وەلموسلمین دکتۆر عەلى کەمسارى سەرۆکایەتى دەزگاگە کەید.

ئامانجەیل: گرنگترین ئامانجەیل دامەزریاگەگە وەى شیوە کورت کریەنەوە:

چلاکیەیلى فراوانەو بوى لە بوارەیل: توێژینەوە، رووشنهویرى، هونەرى و پەیوەندى، و کاروبار ناودەوڵەتى، بڵاوکریاگەیل، پلان و بەرنامە، ئدارەو دارایى، وەل ئەوەیشا نویسینگەیل نوێنەرایەتى دەزگاگە چالاکەو بوى لە: خومەین، قوم، نەجەف پیرووز، ئەسفەهان، و ئەوەگ پەیوەسە وە بەشەیل و دەزگاگەو ئامانجەیلى پیگهاتگە لەیانە:

1- گردەوکردن گشت بەڵگەیل ژیانى، خەبات و فکرە، و نویساننەیل بڵاوکریاگە.

2- مقەیەتیکردن لەوە وەخاسترین شیوەیگ.

3- وەپیاچگنەوە و جیوەجیکردن شوونەوار ئیمام، وە ئامانج داڕشتن تاریخ شۆرش ئسلامى و ژیانى(قدە)، و تەرجومەکردن و ئامادەکردنى ئەرا بڵاوکردنەوە.

4- بڵاوکردنەوەى کۆمەڵەیگ شوونەوار سەماحەتى وە زووانەیل جیاجیا، وە ئامانج گوزارشکردن لە فکرەى(قدە)و ژیانى و بڵاوکردنەوەى ئەرا دەرخستن و یادکردنەوەى ناوى جوور رابەر گەورایگ شۆرش ئسلامى وەشیوەیگ هەمیشە لەناوخود و دەیشت وڵات.

5- پەروەردە و خوەنینەوەى بنەماى فکر ئیمام خومەینى (قدە)، لە لقەیل جیاجیاى زانستەیل ئسلامى لە حەوزە و زانکۆ.

6- سەرپەرشتى هەمیشەیى لەبان ئەوەگ وەناو سەماحەتیە(قدە)، یا لەلایەن هونەرمەندەیلەوە تیەریەیدە بەرهەم، و بەرهەم شوونەوار رووشنهویرى و هونەرى و پشتگیریکردن لەلى.

7- مووڵەت شوونەورا بەرهەمهاوەرەیل دەقەیل، و زانستى، و توێژینەوە، و رووشنهویرى و هونەرى، لە بوار فکر و دید سەماحەتى(قدە).

8- مقەیەتى لە شوونەیل و شوونەوارەیل تاریخى و رووشنهویرى، ک پەیوەسە وە ئیمام، جوور کەلتوورى رووشنهویرى.