19/09/2023
رووشنهويرى و هونه‌ر 142 جار بینراوە
"ئاوارەیى مردگەیل، زینگەیل لەرزنن"... لە ئاواییگ قاهیرە چە ڕوى دەید؟
ئیشراق
قەورەیل ویرانبوى هووکارەمان کەن ک سەر خوەمان دانەچەمنیم و وە تەواوى ملکەچى بکەیم. مسریەیل چوین تەماشاى پرووسەى رمانن قەورەیل تاریخى قاهیرە کردیان؟
لەى دویاخرە، بلدۆزەرەیل وە جادەیل قاهیرەوە گەردن ئەرا ئەوەگ دارەیلى لە ریشەوە هەڵبکەنن و دەس لاوردنەگەیش رەسیە بان روبار نیل ک یەکیگ بوى لە تایبەتمەندیەیل ئەو شارە تارخییە.
شایەد ئەوانەگ وەرپرس باوەتەگە بوین وە دەسکاریکردن ئەوەگ لە ژویەر خوەڵەوە یا لە ژویەر ئاوەگەوە رازى نەوین، بەڵکوو دەس کردوین وە کلکردن بلدۆزەرەیلیان ئەرا کنارەیل تیژ لەوەر هەڵکەندن قویلایى زەوى، و گەردین لە شوون قەور مردگەیل، دویاى رمانن قەورسانەیل لەبان پاشمەندەیلیان.
ماوەیگە هاوار ئەرا وەرگریکردن لە قەورسانەیل تاریخى قاهیرە بەرزەو بوود، و ئەوانەگ ئارەزوو کویەن دیرن بانگەوازەیلیان زیاتر کردنە ئەرا وساننەوەى ئەو ئۆپراسیۆنەیل رماننە ک لەورا ئەنجام دریەید.
یەیش وەتایبەت لە ناوچەیل سەیدە عایشە و ئیمام شافیعی، ک دویاى ئەوەیش حکومەت مسر بڕیاردا محوەرەیل هاتوچوو تازە دابنەید ئەرا ئەوەگ رووژهەڵات و باشوور قاهیرە بووەسیدە یەکەوە ک وەو ناوچەیلە گوزەر کەید، یەیش لەوەختیگە ئەو قەورسانەیلە تاریخیان چوودەوە ئەرا چەنەها سەدە و ناسریانە وە قەڵاى قاهیرە.