خانمە هونەرمەندیگ فلستینى کەلتوور فلستینى خستە هونەرەگەى

ishraq

ئیشراق

خانمە هونەرمەند شەزا سافى لە کەمپ ئەلدەهیشە لە شار بەیت لەحم لە باشوور قودس ژیەید، لە "ویستگەى وەختى" ک مکوڕە لە وەجیهیشتنتى و گلەوخواردنى ئەرا ئاوایەگە مەقدسیەگەى خوەى "جەراش" ک ساڵ 1948 لەتى کووچ کردگە

دویاى 4 دەیە لەو ساڵە ک رویدا، سافى لە ئوردن لەداڵگ بوى لە باوگیگ خەباتکەر و داڵگیگ خەڵک هەمان ئاوایى، ساڵ 1996 جیاکەر بوى لەژیانى مەوقەى ک سەردان ماڵ داپیرەى کرد لە کەمپ ئەلدەهیشە ئەرا یەکەمجار.

لەیرا حکایەت زوڵم و ستەم ژنەفت لەزووان غزلان داپیرەى ک کوڕەیلى دابەش بوین لەناونى ئەسیر و هەیواى، و وازى وەل مناڵەیل هاوتەمەن خوەى کرد لە کویچەیل کەمپەگە ک هویچ رووژیگ ئەو وازییە لە دەیشت فلستین لە وەخت مناڵى نەکردگە جوور "عەرەب و یەهوود، و " جەنگ کەفتەوە لەناونی ئیمەو ئەوان"، و دقەت کرد لەبان پرووسەیل پەلامارداین و واین لەناونى رووڵەیل کەمپەگەو سوپاى داگیرکار ئسرائیلى.

شەزا شافى خوەى لە خوەى هووکارە هونەر بوى، بەهرەیلى لە تاریخ و کەلتوور و مقاومەى فلستینى و رویداگەیل هاوردە کار، ک لەتى نەژیاگە، وەلى لەتى ژیا و لە کارەیل هونەریى دەرکەفت.

شەزا سافى، ناو "دویەت خوەر" نا قەى ئەو بڕە کارەیلیە ک لە خەڕگ دروسیان کردگە، و باس لەوە کرد ک "خەڕگ خاک و ماڵ و ئاوایە تەهجیرکریاگ و دارە زەیتوونەگەمە ک داپیرەم ساڵەیلیگ لەساى دانیشت و دووسى داشت و نەخشەسازى کراسەگەى کردیاد، و خوەریش ک پەیکەرەیل وشکەو کرد گوزارش لە ئازادى و ئارەزوو و هیز و خەوەیل گلەوخواردنمان کەید.

دڵنگەیل عزلان داپیرەى و خەیریە و عەدلەى داڵگى سەرچەوەى ئیلهام کارەیل خەڕگینى بوى، لەوەیشەوە دەسوەپیکرد وەرەو لاى کەسەیل تر کەمپەگە ک لەتى لەهەمان ئاوای و ئاوایەیل دەورگردى کووچ کردوین.

زياترين خوه‌نرياێ

Copyright © 2017 Eshraqtv all rights reserved Created by AVESTA GROUP