24/05/2023
رووشنهويرى و هونه‌ر 145 جار بینراوە
کویەنترین نەخشەى ئەندازیارى راوچێتى لە ئوردن و سعودیە دوینریاوە
ئیشراق
شمارەیگ لە شوونەوارناسەیل نەخشەیلیگ کوچگین دینەوە، ک وە کویەنترین نەخشەیلیگ ئەندازیارى ناسریاگ تا ئیسە زانریەید، و تاریخی چوودەوە ئەرا 9 هەزار ساڵ.
ئەو نەخشەیلە خوەى لە هەیکەڵەیلیگ بنیاتنریاگ فراوان راوچێتى دوینیدەوە لە ناوچەیلیگ ک ئمڕوو بویەسە رویوەرەیلیگ بیاوان لە سعودیە و ئوردن، جوور ئەوەگ ئاژانس رووژنامەگەرى فرەنسى باس لەلى کرد.
تەیارەوانەیل لە ساڵەیل بیس سەدەى وەرین، یەکەمین کەسەیلیگ بوین لەى کەرەستەیل راوچێتییە دینەوە، و ناوى نانە "تەیارەیل قاقەزین بیاوان" ئەویش لەوەر ئەو شیوەیلیانە ک لە ئاسمانەوە لەلیانەوە دیار بویە.
