20/05/2023
رووشنهويرى و هونه‌ر 66 جار بینراوە
رۆمان "پەنجشەممە لەبان جومعە" لە یەکێتى ئەدیبەیل میسان ئمزا کریا
ئیشراق
یەکێتى ئەدیبەیل و نویسەرەیل میسان، ئاهەنگ وە بوونەى ئمزاکردن رۆمان "پەنجشەممە لەبان جومعە"ى رۆماننویس محەمەد سەندەلى سازکرد لە هۆڵ میشا لە ناوەند شار عومارە.
قسەر ئعلامى یەکێتیەگە، شاعر عەبدولحسێن بریسەم، وت: یەکێتى میشا ئاهەنگ سازکرد وە بوونەى ئمزاکردن رۆمان "پەنجشەممە لەبان جومعە"ى رۆماننویس محەمەد سەندەلى، لەوەر جەختکردن لە گرنگیداین وە ئەزموون جایەڵەیل لە بوارەیل جیاجیاى داهێنان.
ئشارەت وەیەیش کرد، لە ئاهەنگە مەدالیاى داهینان پیشکەش وە سەندەلى کریا لەبان دەور باڵاى لەبارەى توێژەر گەورا جەبار عەبدوڵڵا جویبراوى، و لەلایەن رۆماننویس گەورا نەجم ئەلئەمیرى وەپى بەخشریا، وەل دیارییگ رەسم شەخسى ک ئەدیب و هونەرمەند شیوەکار سەباح شغیت پیشکەش وەپى کرد.