تیک تۆک بە بڕی 368 ملیۆن دۆلار سزا دەدرێت

ئیشراق 
ڕێکخەرانی ئەوروپا بە بڕی 368 ملیۆن دۆلار سزای کۆمپانیای تیک تۆکیان داوە بەهۆی ئەوەی نەیتوانیوە پارێزگاری لە تایبەتمەندیی منداڵان و پێشێلکردنی یاساکانی تایبەتمەندی زانیاری لە ئەوروپا بکات.

کۆمسیۆنی پاراستنی زانیاری ئێرلەندا، کە ڕێکخەری سەرەکی تایبەتمەندییە بۆ کۆمپانیا گەورەکانی تەکنەلۆژیای بنکەکەی لە دبلنە، ڕایگەیاند بڕی 345 ملیۆن یۆرۆی سزا بە تیک تۆک داوە و سەرزەنشتی پلاتفۆرمەکەی کردووە بەهۆی پێشێلکارییەکانی کە دەگەڕێتەوە بۆ نیوەی دووەمی ساڵی 2020.

لێکۆڵینەوەکە دەریخستووە کە پرۆسەی خۆتۆمارکردن بۆ بەکارهێنەرانی هەرزەکار بووە هۆی ڕێکخستنی هەژمارەکانیان بە شێوەیەکی بنەڕەتی، ڕێگە بە هەر کەسێک دەدات سەیری ڤیدیۆکانیان بکات و کومینت بنووسیت.

هەروەها مەترسی بۆ منداڵانی خوار تەمەن 13 ساڵ دروست دەکات کە توانیویانە بچنە ناو پلاتفۆرمەکەوە سەرەڕای ئەوەی ڕێگەیان پێنەدراوە ئەو کارە بکەن. ئەو تایبەتمەندییەی کە بۆ دایک و باوکان دروستکراوە بۆ بەڕێوەبردنی ڕێکخستنەکان بە پێی پێویست توند نەبووە.

تیک تۆک لە بەیاننامەیەکدا ڕایگەیاند کە ناڕازییە لە بڕیارەکەدا "بە تایبەتی لە ئاستی سزا سەپیندراوەکە" کە سەپێنراوە و ئاماژەی بەوەشکرد کە ڕەخنەکانی ڕێکخراوەکە تیشک دەخاتە سەر تایبەتمەندی و ڕێکخستنەکان کە مێژووەکەی دەگەڕێتەوە بۆ سێ ساڵ پێش ئێستا.

ئەو گوتیشی ئەو گۆڕانکارییەکی زۆری کردووە پێش دەستپێکردنی لێکۆڵینەوەکان لە ئەیلوولی 2021، لەوانە دانانی هەموو هەژمارێک بۆ هەرزەکارەکانی خوار تەمەن 16 ساڵ بە شێوەیەکی تایبەت و ناچالاککردنی نامەی ڕاستەوخۆ بۆ منداڵانی تەمەن 13 بۆ 15 ساڵ.

ڕێکخراوی ئێرلەندی ڕەخنەی لێگیراوە بەهۆی ئەوەی بە خێرایی کار ناکات لە لێکۆڵینەوەکانی سەبارەت بە کۆمپانیا گەورەکانی تەکنەلۆژیا لەو کاتەوەی یاساکانی تایبەتمەندی یەکێتی ئەوروپا لە ساڵی 2018 دا چووە بواری جێبەجێکردنەوە.