ئەسەدى لەبارەى یاساى وەتاوانبارکردن ئاساییبوینەوە: نوێنەرەیل مللەت سەرکەفتن

ئیشراق

سەرۆک گردبوینەوەى سەنەد نیشتمانى و سەرکردە لە چوارچیوەى شیعە ئەحمەد ئەسەدى، پیرووزبایى خوەى ئاراستە کرد وەبوونەى دەنگداین ئەنجومەن نوێنەرەیل عیراقى لەبان یاساى وەتاوانبارکردن ئاساییبوینەوە وەل قەوارەى داگیرکار زایۆنى.

ئەسەدى لە تویتیگ ک ئیشراق ئاگادارى بوى وت: موبارەکبایى لە عیراق ئەزیز و گشت ئازادیخوازەیل لە جەهان کەیم وە بوونەى دەنگداین ئەنجومەن نوێنەرەیل عیراقى لەبان یاساى وەتاوانبارکردن ئاساییبوینەوە وەل قەوارەى داگیرکار زایۆنى.

هەمیش وت: نینەرەیل مللەت ئمڕوو سەرکەفتن لەبارەى پەیڕەوەیل نیشتمانى و ئسلامى و جەختکردنەوە لە هەڵویستەیل تاریخى جیگیر ئەرا مللەت عراقى وەرانوەر ئى قەوارە، وتیش سوپاس ئەرا هەر کەسیگیش پشتگیرى ئى بریارە کرد و سوپاس ئەرا گشت لایەنەیل سیاسى ک دەنگ دان لەبانى.

دویاخریش ئەسەدى لە تویتەگەى وت"نەخەیر نەخەیر ئسرائیل".