کەشتیى ئاسمانى لووسى ئامادەس ئەرا یەکەم هەڵفڕانى لە نزیک ئەسارەى دینکینیش

ئیشراق

کەشتیی ئاسمانی لووسی سەر وە ناسا خوەی ئامادە کەید ئەرا یەکەمجار لە نزیکەوە تەماشاى ئەسارەیگ بویچگ بکەید، لە یەک مانگ نۆڤەمبەریش هەڵفڕید ئەرا نزیگ ئەسارە بویچکەگەى دینکینیش و ئامێرەیلى تاقییەو کەید جوور ئامادەکارییگ ئەرا سەرانکردن لە دەیەى ئایندە ئەرا چەن ئەسارەیگ بویچگ ک لە هەمان خولگەى ئەسارەى موشتەرى لە دەور خوەر سویڕ خوەن.

دینکینیش، ک پانیەگەى کەمترە لە نیم میل یا یەک کیلۆمەتر، سویڕ خوەید لە دەور خوەر لە شاڵ سەرەکى ئەسارەیل بویچگ ک کەفتنەسە ناونى هەردوگ خولگەى مەریخ و موشتەرى.

یەیش لەوەختیگە، ک لووسى لە 3ى ئەیلوولەوە وەشیوەیگ دوینریاگ چەویرى دینکینیش کردیاد، یەیش یەکەم ئەسارەیگە لە 10 ئەسارەى بویچگ ک لووسى لە گەشتەگەى ک 12 ساڵە سەردانى کەید ئەرا چەودیریکردن ئى شمارەى فرەى ئەسارەیل بویچگە.

جى باسە، لووسى نیەوسیەید یا وە دەور ئەسارەیل بویچگەوە سویڕ خوەید، بەڵکوو زانیارى گردەو کەید مەوقەى ک وە گورجى وە لایانەوە گوزەر کەید لەو چشتە ک دیریدەى و وەپى وتریەید "هەڵفرین لە نزیکەوە".