وەى شیوە سەکووەیل کۆمەڵایەتى ئەکاونتەیل لایەنگرى غەززە کپەو کەن

ئیشراق

ماڵپەڕ"The Intercept"ی ئەمریکی بڵاویکردەسەوە، وەکاربەرەیل سۆشیاڵ میدیا گلەیى ئەوە کردنە بەرنامەیل "ئینستاگرام" ک خاوەندارێتى کۆمپانیاى میتاى ئەمریکییە و "تیک تۆک" ک خاوەندارێتى کۆمپانیاى "ByteDance"ی چینییە، پۆست و ئەکاونتەیلیان مەرزدار کردنە یا وەگوورەى خواست قەیەغەى کردنە ئەرا ناوەڕووک لایەنگرى فلستینى لەشوون بۆردومانکردن تون ئسرائیل ئەرا بان کەرت غەززە.

وەگوورەى ماڵپەڕەگە، فرەیگ لە بڵاوکریاگەیلیان پشتڕاسى کردنەسەوە ک گشتاندنەگە راسەقینەس لەڕیگەى ئینستاگرام و تیک تۆکەوە ک سیاسەت بلۆککردن شاریاگ جیوەجى کەن، ک یەیش جیوەجیکردن یا فێڵکردنیگە ک لەسەرانسەر سەکوو ئەنتەرنێت وەکار تیەریەید، وەتایبەت سۆشیاڵ میدیا، ئەویش وەمەبەس کەمکردنەوەى دوینستن و مەوداى ناوەڕووک وەکاربەر وەبى ئاگادارى خوەى، و وەکاربەر ئاگادار ئەوە نیە ک ناوەڕووکەگەیان نیەکەفیدە وەرچەو دوینەر فرەیگ.

جى باسە، بەشیگ لە وەکاربەرەیل دویاى بڵاوکردنەوەى کۆمێنت لەبان فلستین لە سەکوو ئینستاگرام و فەیسبوک، مەرجەیلیگ لەبان ئەو ئەکاونتەیلە چەسپاننە، لەوانەیش نەتویەنستن ئەرا پەخش راسەوخۆ یا کۆمێنت، و هاشتاگەیل پەیوەندیدار وە حەماس و "تەوەفان ئەقسا" بلۆک کریانە و لە گەردین شاریەنەوە.