12/10/2023
زانست و تەکنۆلۆجیا 85 جار بینراوە
سەکوو ئێکس دویاى هەڕەشەیگ ئەوروپى سەدان ئەکاونت سەر وە حەماس کوشنیدەوە
ئیشراق
سەکوو پەیوەندى کۆمەڵایەتى "ئێکس" سەدان ئەکاونت سەر وە بزووتنەوەى مقاومەى ئسلامى (حەماس) کوشانەوە، ئەویش دویاى هەڕەشەیگ ک لە کۆمیسیۆن ئەوروپییەوە وەپى رەسى و هەڕەشەى سزاداین لەلى کرد و داوا لەلى کرد شیکردنەوەیگ دەربکەید سەبارەت وەو زانیارى و رەسمەیلە ک لەبان سەکووەگە بڵاوەو بوینە سەبارەت وەو پەلامارە ک مقاومەى فلستینى لە رووژ شەممەى گوزەیشت دژ داگیرکار ئسرائیلى دەسوەپیکرد.
لیندا یاکارینۆ، وەڕیەوبەر جیوەجیکار کۆمپانیای ئێکس رووژ پەنجشەممە ئاشکرایکرد ک سەکوو پەیوەندى کۆمەڵایەتى سەدان ئەکاونت سەر وە بزووتنەوەی حەماس کوشتانەسەوەو لە دویای پەلامارەگەى بان ئسرائیلەوە ریوشوون کوشاننەوە یا ریزبەندیى دەیان هەزار ناوەڕووک گرتەسەوەر.
یاکارینۆ لە نامەیگ ک ئاراستەى تیێری بریتۆن کۆمیسیار یەکێتى ئەوروپاى کرد، لەڕیگەى سەکوو ئێکسەوە وت: وەردەوامیم لە جواودانەوەى گورج ئەرا داواکاریەیل جیوەجیکردن یاسا لە گشت وڵاتەیل جەهان، وە وڵاتەیل ئەندام یەکێتى ئەوروپایشەوە.