22/10/2023
ڤیدیۆ 100 جار بینراوە
دوو توێژەر: تومەتەیل فرووشتن زەویەیل فلستینى دەیان ساڵ وەرجە ئیسە، پڕوپاگەندەى زایۆنییە
ئیشراق
دوو توێژەر تورکى باس لەوە کردن قسەوباس لەبان فرووشتن زەویەیل فلستینى وە یەهوود وەرجە دەیان ساڵ پڕوپاگەندەى زایۆنییە، و راسیەیل تاریخى قەبول وەى تومەتەیلە نیەکەید، یەیش لەوەختیگ بڵاو بویەسەوە ک ریککەفتە وەل دەسدریژیەیل ئسرائیلى ئەرا بان کەرت غەززە.
زەکریا قورشون، عەمید کۆلیژ زانستەیل ئنسانى و کۆمەڵایەتى لە زانکۆى سوڵتان محەمەد ئەلفاتح، وت: فلستینیەیل خاکەیلیان نیەفرووشن، و مەوقەى ک یەهوود روێ لە داگیرکردن فلستین کردن، فەتوایەیلیگ دەرکریا وە حەرامکردن فرووشتن زەوى وەپیان مەوقەى ک ناوچەگە لەژیر دەسڵات عوسمانى بوى.
قورشون جەخت لەوە کرد ک راسیەیل تاریخى قەبول وەى بانگەشە نیەکەید ک فلستینیەیل خاکەیلیان فرووشتنە، و دوبارەکردنەوەى ئى تومەتەیلە دەسمیەت زایۆنى و سیاسەت ئسرائیل دەید ئەرا چووڵکردن فلستین لە فلستینیەیل.
لاى خوەیەوە، ئەحمەد ئەمین داغ، جیگر سەرۆک کۆمەڵەى تویژەرەیل لە خوەرهەڵات ناوڕاس و ئەفریقیا، وت: زیاتر لە 5 ملیۆن پەنابەر فلستینى ئمڕوو لە ناوچەیل جیاجیاى جەهان ژیەن، و خاکەیلیان نەفرووشتنە و لەتى وە ئارەزوو خوەیان دەرنەچینە.