19/10/2023
ڤیدیۆ 156 جار بینراوە
کووبا.. پشتگیرى واشنتۆن لە "ئسرائیل" پاڵى نا وەردەوام بوود لە جەمکوشى
ئیشراق
وەزیر خارجیەى کووبا، برۆنۆ رۆدریگیز، وت: ولایەتەیل یەکگرتگ هەق "ڤیتۆ" دژ 46 بڕیار لە ئەنجومەن ئاسایش هاوردە کار ک پەیوەسە وە بارودوخ لە خوەرهەڵات ناوڕاس، لەوانەیش پەیوەس وە مەسەلەى فلستین.
وەزیر رۆدریگیز وتیش: وە نیگەرانى و شۆک فرەیگەوە چەومان کەفتە رویداگەیل رخەوبەر ئى دویاخرە ک لەناوچەى خوەرهەڵات ناوڕاس ئەنجام دریەید، و ئشارەت وەیەیش کرد کارەسات ئنسانى روێ دەید لە کەرت غەززە و لەناو خاکەیل داگیرکریاگ فلستینى.
باس لەوەیش کرد، پشتگیرى واشنتۆن لە "ئسرائیل" پاڵى نا وەردەوام بوود لە جەمکوشى مللەت فلستینى لەناو خاکەیلى.
یەیش دەرخست ک بارودوخ ئیسە دەرئەنجام 75 ساڵە لە داگیرکارى نایاسایى و پاشیلکردن مافەیلیگ ک جى قەبولکردن نییە ئەنجام بدریەید وەرانوەر مللەت فلستینى لەناو خاکەیل خوەى.