سەرۆک وەزیرەیل: بایەسە هەوڵ خواست بدریەید ئەرا مەرزدارکردن وەردەوامى پەلامار و خوینڕشانن

ئیشراق

سەرۆک ئەنجومەن وەزیرەیل محەمەد شیاع سودانى، لە قاهیرەى پایتەخت مسر، چەوى کەفتە سەرۆک ئەنجومەن ئەوروپى شارل میشێل، لە چوارچیوەى بەشداریکردنى لە قمەى قاهیرە ئەرا ئاشتى.

لەو دیدارە باسە لە دویاین پیشهاتەیلیگ بارودوخ مەترسیدار کریا لە کەرت غەززە، و هەوڵ خواست ئەرا مەرزدارکردن وەردەوامى پەلامار و خوینڕشانن

سەرۆک ئەنجومەن وەزیرەیل لەنوو هەڵویست عیراق و رەتکردنەوەى تەواو دوشمنکاریى ئسرائیلى دووپاتکردەوە ک وەردەوامە لە دەسدریژیەیلى ئەرا بان مەدەنیەیل، و پاشیلکردن یاسایەیل ناودەوڵەتى و یاساى ناودەوڵەتى ئنسانى، و ئاگادارى دا ئەرا دەسپیشخەرى عیراق ئەرا وساننەوەى گورج دەسدریژەیل دوشمن و کردنەوەى ریڕەوەیل، و ئشارەتیش وە پەویەندیەیل قایم ناونى عیراق و یەکێتى ئەوروپا کرد وەگوورەى ریککەفتن هاوبەشى ستراتیجى.