بیخەوى چوین بوودە هووکار بەرزبوینەوەى فشار خوین؟

ئیشراق

کەمخەوى لە زویەوە پەیوەندى وە چەنەها کیشەى تەندروستییەوە دیرید، لەوانە: بەرزى فشار خوین، هەرلەیوا بەعزی لە توێژینەوەیل پەیوەندییگ راسەوخۆ لەناونى کەمخەوى و بەرزى فشار خوین نیشان دانە.

جوور ئەوەگ لە توێژینەوەیگ ک لە گۆڤاریگ ئەمریکى باس کریاگە، ئەوە دەرکەفتگە ک نەخەفتن خواست تویەنید ئاست فشار خوین زیاى بکەید و تەنانەت ئەگەرەیل تویشبوینیش وە نەخوەشەیل دڵ زیاى بکەید جوور ئەوەگ ماڵپەڕ "هێلس شووت" بڵاویەو کردگە.

مەوقەى ک وە کوالیتى خەو خواست وەدەس نیارید، جەسەد زیاتر هۆرمۆن سترێس جوور کۆرتیزۆل تیەریدە بەرهەم، ک یەیش لە وەرانوەر ئەوە فشار خویند زیاى کەید، وەل ئەوەیشا کەمخەوى کارکردن ئاسایى خوینبەرەیل شیونید و لەیوا کەید کەمتر لاستیگ بوون ئەگەرەیل تەنگەوبوینیان زیاى کەید.