مەزارگەى حسەینى پیرووز ئامادەیى خوەى ئەرا دابینکردن چارەسەر ئەرا زەخمدارەیل دەسدریژیەیل زایۆنى ئەرا بان غەززە ئاشکراکرد

ئیشراق

ئەمیندارێنى گشتى مەزارگەى حسیەنى پیرووز، ئمڕوو شەممە، ئامادەیى خوەى ئەرا دابینکردن چارەسەر ئەرا زەخمدارەیل دەسدریژیەیل زایۆنى ئەرا بان غەززە لەناو نەخوەشخانەیلى لە پاریزگاى کەربەلای پیرووز ئاشکراکرد، وە هەماهەنگى وەل لایەنەیل پەیوەندیدار لە حکومەت عیراقى.

ئەمیندارێنى گشتى مەزارگەى حسیەنى پیرووز لە بەیاننامەیگ ک ئیشراق ئاگادارى بوى، ئەوە دەرخست ک ئامادەس ئەرا لەخوەیگرتن چارەسەر زەخمدارەیل بۆردومان زایۆنى ئەرا بان کەرت غەززە لەناو نەخوەشخانەیلى و ئامادەس ئەرا لەخوەیگرتن کرایەى جیوازکردن و چارەسەر و نیشتەجییاان لە پاریزگاى کەربەلاى پیرووز وە هەماهەنگى وەل لایەنەیل پەیوەندیدار لە حکومەت عیراقى.

جى باسە، مەزارگەى پیرووز، وتیش: ئى دەسپیشخەرى ئنسانییە ک ئمڕوو دریا، تەرجومەیگ زانستییە لە رینمایەیل مەرجەع باڵاى ئایینى سەماحەت ئایەتوڵڵا عوزما سەید عەلى ئەلحسەنى ئەلسیستانى(سایەى دریژ بوود) ئەرا وسیان شان وەشان مللەت ستمدیدەى فلستینى.