سەرۆک وەزیرەیل دڵنیایى دا گۆتیریس لە ئامادەیى عیراق کەید ئەرا کلکردن کاروان پشتیوانى و هاوکارى ئەرا غەززە

ئیشراق

سەرۆک ئەنجومەن وەزیرەیل، محەمەد شیاع سودانى، ئمڕوو شەممە، دڵنیایى دا ئەنتۆنیۆ گۆتیریس، لەوەر ئامادەیى عیراق ئەرا کلکردن کاروان پشتیوانى و دەسمیەت ئەرا غەززە.

وەگوورەى بەیاننامەى نویسینگەى ئعلامى سەرۆک وەزیرەیل، محەمەد شیاع سودانى، لە چوارچیوەى بەشداریکرن لە قمەى قاهیرە ئەرا ئاشتى، چەوى کەفتە ئەمیندار گشتى نەتەوەیل یەکگرتگ ئەنتۆنیۆ گۆتیریس لە قاهیرەى پایتەخت مسر، ئەرا باسکردن دویاین پیشهاتەیل لەناو خاکەیل داگیرکریاگ فلستینى.

جى باسە، سودانى، لەو دیدارە جەخت لە خواست داناین مەرزیگ کرد ئەرا دوشمنایەتى وەردەوام زایۆنى و ئەو جەمکوشییە ک تیەیدە تویش مەردم غەزە وەدەس هیزەیل داگیرکار، و کردنەوەى ریڕەوەیل ئنسانى ئەرا جیوازکردن دەسمیەتەیل وەپەلە، و ئامادەیى عیراقیش دەرخست ئەرا کلکردن کاروکان پشتیوانى و دەسمیەتەیل ئەرا غەززە.