21/10/2023
السياسية 110 جار بینراوە
سەرۆک وەزیرەیل گفتگوو وەل چەن سەرکردەیگ کرد ئەرا زیایکردن هەڵویست ناودەوڵەتى لەوەر لاوردن ئابڵوقە لەبان غەززە
ئیشراق
سەرۆک ئەنجومەن وەزیرەیل، محەمەد شیاع سودانى، ئمڕوو شەممە، گفتگوو وەل چەن سەرکردەیگ کرد ئەرا زیایکردن هەڵویست ناودەوڵەتى لەوەر لاوردن ئابڵوقە لەبان کەرت غەززە.
وەگوورەى بەیاننامەى نویسینگەى ئعلامى سەرۆک وەزیرەیل، محەمەد شیاع سودانى سەرۆک وەزیرەیل، گفتگوو وەل چەن سەرکردەیگ ئەنجامدا لەوەر زیایکردن لایەنگرى عەرەبى و ناودەوڵەتى ئەرا داواکاریى عیراق وەخاتر ئاشکراکردن وساننەوەى دەسوەجى جەنگ و کردنەوەى ئابڵوقەى چەسپیاگ لەبان غەززە، ئەویش لە میانەى بەشداریکردن لە قمەى هاقیرە ئەرا ئاشتى.
جى باسە، سەرۆک وەزیرەیل لەڕیگەى زنجیرە گفتگووەیلیگ داواى زیایکردن هەوڵەیل کرد لەوەر خاتر جیوازکردن دەسمیەتەیل ئنسانى و پشتگیریکردن دەسپیشخەریى عیراقى ئەرا دامەزرانن سەندووقیگ پشتگیرى ئەرا مەردەم ئابڵوقەدریاگ غەززە.