19/10/2023
سیاسی 124 جار بینراوە
عەبدولەهیان لە سعودیەوە.. بەرمیلیگ باروود هەس شایەد لە هەر وەختیگ بتەقیەیدەوە!
ئیشراق
وەزیر خارجیەى ئیرانى حسێن ئەمیر عەبدولەهیان، ئمڕوو پەنجشەممە، جەخت لەوە کرد ناوچەى خوەرهەڵات ناوین ها بان بەرمیلیگ باروود و شایەد لە هەر وەختیگ بتەقیەیدەوە و مەسەلەگە لەژیر کۆنترۆڵ دەربچوود.
عەبدولەهیان لە لێدوانیگى وەرجە وەجیهیشتن شار جدەى سعودیە وت: گشتلایگ نیگەرانن لە بڵابوینەوەى جەنگ، وتیش بارودوخ ئیسەى ناوچەگە جەخت لەوە کەید ک جەنگ شایەد لە هەر سەعاتیگ روێ بەید.
جى باسە، وەزیر خارجیەى ئیرانى هەمیش وت: سەرسوڕمەنین ئەوەسە ک سەرۆک ولایەتەیل یەکگرتگ ئەمریکى جۆ بایدن تواید پەردەپووش تاوانەیل داگیرکار ئسرائیلى بکەید لە کەرت غەززە، ئەویش لەڕیگەى کلکردن 20 سەیارەى هەڵگر دەسمیەتەیل ئنسانى ئەرا کەرتەگە.