18/10/2023
السياسية 87 جار بینراوە
بەیاننامەی کووتایی کۆنفرانس وەپەلەی یەکێتی پەرلەمان عەرەبی ئەرا تاوتوێکردن بارودوخ غەززە
ئیشراق
دیارترین ئەو خاڵەیلە ک لە بەیاننامەى کووتایى کۆنفرانس سى وپەنجەمین وەپەلەى یەکێتى پەرلەمان عەرەبى لە بەغدا هاتگە ئەرا تاوتویکردن دویاین پیشهاتەیل بارودوخ لە کەرت غەززە، پیکهات لەى خاڵەیلە:
- لەخوەیگرتن بڕگەیگ وەپەلە لەچوارچیوەى دانیشتنەیل خول (147) یەکێتى پەرلەمان عەرەبى ک بریارە لە 23/ 10/ 2023 سازبکریەید و وساننەوەى جەنگ لەبان غەززە و وساننەوەى دەسدریژەیل ئەرا بان مافەیل ئادەمیزاد بگریدە خوەى.
- ئیدانەکردن وە تونترین شیوەى تیرۆر دەوڵەت ک دەسڵاتەیل قەوارەى ئسرائیلى دەرهەق وە مللەت وەگشت چینەیلى ئەنجامى دەید.
- ئیدانەکردنی بە توندترین و توندترین زاراوەی تیرۆریزمی دەوڵەتی کە دەسەڵاتدارانی قەوارەی ئیسرائیل لە دژی گەلی فەلەستین بە هەموو چین و توێژەکانەوە پراکتیزەیان کردووە،
- ئەو تاوانەیلە ک قەوارەى زایۆنى ئەنجامى دەید و دویاینیان بۆردومانکردن نەخوەشخانەى معەمدانى بوى ک بوودە تەقینەوەیگ بى وینە لە گشت خاکەیل عەرەبى.
- داواکاریەیلمان ئەرا خیزان ناودەوڵەتى و ریکخریاگەیل کارا دوپات کەیمنەوە ئەرا دەسوەرداین وەپەلە و دەسوەجى و وتن قسەى هەق لە ڕوێ وەڕوێ بوینەوەى دەسدریژیەیل قەوارەى ئسرائیلى و وساننەوەى و لە هەمان وەخت وساننەوەى تاوانەیل دەهەق وە ئنسانى و هەوڵەیل داوڕین غەززە و کوشتن مەردمەگەى.
- میدیایەیل لە جەهان ئاگادار کەیم ک بیلایەن بوون و دقەت وەربگرن لە مامڵە وەل روریماڵکردن رویداگەیلیگ ک لە غەززە و فلستین داگیرکریاگ روێ دەید.
- ریڕەو دوانەیى پێوەرەیل ک بەعزى لە وڵاتەیل خوەرئاوایى تیەرنەى کار ک یەکسانى کەن لەناونى جەلاد و قوربانى.
- هەمیشە جەخت کەیمنەوە لەبان یەکگرتگی ناونەتەوەیى و دەسپیشخەرى عەربیمان ئەرا ئاشتى.
- داوا لە پەرلە مانەیل ناودەوڵەتى و دەزگایەیل کەیم هەڵویست وەربگرن ئەرا وساننەوەى دەسدریژى دەرهەق وە مەدەنیەیل بیتاوان لە مللەت فلستینى و ئیدانەکردن سزاى وەجەم و کووچوەپیکردن زورەملى و کوشتن بیتاوانەیل ک تیەیدە تویش فلستینیەیل لە غەززە.
- وەرنگاربوینەوەى و وسیان مللەت فلستینى بەرز نرخنیم ک وەرگەى تاوانەیل داگیرکار کردگە ئەرا ماوەى دەیان ساڵ.
- داوا لە کۆمەڵگاى ناودەوڵەتى و ریکخریاگەیل ناودەوڵەتى و هەرێمى کەیم وەرپرسیارێتى بگرنە مل ئەرا وساننەوەى دەسوەجى جەنگ و کارکردن لەوەر کردنەوەى دەروازەیل لەوەر رەسانن دەسمیەتەیل ئنسانى و فریاگوزارى ئەرا فلستین.
- ریز و سڵام دیریم ئەرا کۆمار عیراق ک رووژیگ لە رووژان دەس لە سەرخستن مەسەلەیل نەتەوەگەى هەڵنەگرتگە، لە میوانداریکردن ئى کۆنفرانس وەپەلە و دابینکردن گشت هووکارەیل سەرخستنى.