جەنگ میدیایى لە "تەوەفان ئەقسا".. ئایا غەززە سەرکەفت؟

ئیشراق

رویماڵ زوورم میدیایەیل تەقلیدى خوەرئاوا دیار بوی ک وەل هەڵویست فەرمى بگونجیەید ک بۆردومان ئسرائیل وە بنەمایگ وەرگریکردن لەخوەى دانریا و میدیایەیل روژئاوایش ئەو باسەیل ئسرائیلە دوبارە کردنەوە ک مقاومەى فەلەستین جوور تیرۆر چەواشە کردن.

جەنگ قڕکردن ک "ئسرائیل" لە کەرت غەززە ئەنجامى دەید، وەل جەنگیگ دەرونییە ک لە دژ فلستینیەیل لە کەرت غاززە ئەنجام دریەید و جەنگیگ میدیایى ئەرا وەدەسهاوردن هویروڕاى گشتى ناودەوڵەتى ئەرا پشتگیرى لەلى لەو هەڵمەت سیستیماتیکییە ک جوور ئامادەکارییگ ئەراى بەیدەى ڕییەوە ئەنجامداین جینۆساید لە غەززە و وەدەسهاوردن هاوسووزى وەل ئسرائیلیەیل، بانگەشەى ئەوە کەن ک ئەوان قوربانین و فلستینیەیل وە جەم وەرپرسیارن.

لە وەرانوەر ئەوەیش، لایەن فلستینى و داکووکیکارەیل ئاشتى و ماف مللەت لە جەهان دەس بەسیاگ نەوین، بەڵکوو وە وەرنگاربوینەوەیگ میدیایى وەرگریکارانە هاوکارى مقاومەى فلستینى کردن وەرانوەر دەسدریژیەیل ئسرائیل ک ماف خوەیان لەبان خاکەگەیان دووپات کردنەوە و ئسرائیل بەڵگەدار کردن وە بەربەرییەت، بیجگە ئەوەگ مقاومە جەنگیگ دەروینى لەبان "سوپاى ئسرائیلى" ئەنجامدا وە هەڕەشەى لادان لە دەسدریژیە زەمینیەگەى لە غەززە ئەرا قەورسانیگ ئەرا سەربازەیلى و زەرەد فرەیگ وەپى رەسان ئەگەر وەردەوام بوود لە قڕکردن فلستینیەیل.

رویماڵ زوورم میدیایەیل تەقلیدى خوەرئاوا دیار بوی ک وەل هەڵویست فەرمى بگونجیەید ک بۆردومان ئسرائیل وە بنەمایگ وەرگریکردن لەخوەى دانریا و میدیایەیل روژئاوایش ئەو باسەیل ئسرائیلە دوبارە کردنەوە ک مقاومەى فەلەستین جوور تیرۆر چەواشە کردن، و ئەرا جیوەجیکردن ئەو باسەیلیشە و ئەو کردەوەیل ئسرائیلیە و کردنە ئامانج مەدەنیەیل، میدیایەیل خوەرئاوایى رەسمەیلیگ ساختە جیواز کردیان باس لەوە کردیان مناڵەیلیگ سەر بڕیانە، و بایدنیش جەخت لە دیدەنى کرد ک دویاخر دەرکەفت لە دروسکردن زیرەکى دەسکردە، و دویاخریش بێژەر تووڕ "سى ئێن ئێن" داواى وەخشین کرد.

وەل ئەوەیشا رووژنامەیل جەهانى ئەو هەواڵەیلە جیواز کردن وەبى ئەوەگ دقەت لە سەرچەوەى راسى بکەن، و رەسم ئەو مناڵەیل فلستینیە بڵاوکردن ک گوایا مناڵەیل ئسرائیلین وەبى ئەوەگ لەڕاسى مەسەلەگە بڕەسنەوە، یەیش ماناى لەدەسداین پیشەییە.