16/10/2023
سیاسی 194 جار بینراوە
مالکى داوا لە دەوڵەتەیل یەکێتى ئەوروپا کرد ئیدانەى کوشتارگەى دەرهەق مللەت فلستینى بکەن
ئیشراق
سەرۆک ئئتلاف دەوڵەت یاسا نورى مالکى، ئمڕوو دوشەممە، داوا لە دەوڵەتەیل یەکێتى ئەوروپا کرد ئیدانەى ئەو کوشتارگەیلە بکەن ک قەوارەى زایۆنى دەرهەق وە مللەت فلستینى ئەنجامى دەید.
وەگوورەى بەیاننامەى نویسینگەى ئعلامى سەرۆک ئئتلاف دەوڵەت یاسا، مالکى لە نویسینگەى خوەى پیشوازى لە سەفیر یەکێتى ئەوروپا لە عیراق تۆماس سیلەر کرد، و لەسەرەتاى دیدارەگە باس لە ئایندەى پەیوەندیەیل عیراق وەل دەوڵەتەیل یەکێتى ئەوروپا کریا، و خواست پتەوکردنى لە بوارەیل جیاجیا، و باسیش لە رویداگەیل وەردەوام کریا لە فلستین داگیرکریاگ و ئابڵوقەى چەسپیاگ لەبان کەرت غەززە لەلایەن هیزەیل داگیرکار زایۆنى.
وەگوورەى بەیاننامەگە، مالکى جەخت لەوە کرد گرنگە دەوڵەتەیل یەکێتى ئەوروپا هەڵویست و دەور خویان نیشان بیەن لە کەمکرنەوەى ئەو گرژیە ک روێ دەید لەناو خاکەیل فلستینى و ئیدانەکردن ئەو کوشتارگە ک ئسرائیل ئەنجامى دەید دەرهەق وە مللەت فلستینى.