16/10/2023
سیاسی 89 جار بینراوە
عامرى: کیشەى فلستین لە دڵ مللەت عیراقى وە زینگى مینید
ئیشراق
ئەمیندار گشتى ریکخریاگ بەدر هادى عامرى، ئمڕوو دوشەممە، جەخت لەوە کرد، کیشەى فلستین لە دڵ مللەت عیراقى هەر وە زینگى مینید، و ئشارەت وەیەیش کرد جەنگ وەل داگیرکار زایۆنى وە سەرکەفتن گەورا فلستینیەیل تەواو بوود.
وەگوورەى بەیاننامەى نویسینگەى ئعلامى ئەمیندار گشتى ریکخریاگ بەدر، هادى عامرى لە نویسینگەى خوەى لە بەغدا پیشوازى کرد لە سەرۆک ئەنجومەن نیشتمانى فلستینى رووحى فەتوح و وەفد یاوەرى.
هەر وەگوورەى بەیاننامەگە، لەو دیدارە باس لە بارودوخ مللەت فلستینى و ئەو دەسدریژى و پەلامارەیل وەردەوام زایۆنیە کریا ئەرا بان مەدەنیەیل بیتاواان لە کەرت غەززە و کردنەوەى ریڕەوەیلیگ ئەرا فریاگوزارى ئنسانى.