ئیران خواستەیل قەوارەى زایۆنى وە دەسوەرداین لە پرووسەى "تەوەفان ئەقسا" خستە دروو

ئیشراق

سەفیر و نوێنەر هەمیشەیى ئیران لە نەتەوەیل یەکگرتگ سەعید ئیروانى، زیایبوین ترسناکانەى تاوان و سزاى دەسەجەمى لە دژ مللەت فلستین لە کەرت غەززە وە نموونەى تاوانەیل دژ وە ئنسانییەت زانست و وت: کۆمار ئسلامیى ئیران وەشیوەیگ تەواوى و ئاشکرا هەر جوورە تاوانکارییگ رەتەو کەید ک هویچ بنەمایگ نەیرن لە دەسوەرداین لە کاردانەوەى فلستینى وەرانوەر داگیرکارو دوشمنکارانەى قەوارەى زایۆنى.

ئیروانى لە نامەیگ ئەرا ئەنتۆنیۆ گۆتێرێس، سکرتێر  گشتی نەتەوەیل یەکگرتگ و سەرۆک ئەنجومەن ئاسایش، نویساگە: ئى نامە لە جواو نامەى نوێنەر قەوارەى ئسرائیلییە لە 7 ئوکتۆبەر 2023 ک ئاراستەى ئەمیندار گشتى نەتەوەیل یەکگرتگ و سەرۆک ئەنجومەن ئاسایش (S/2023/ 742) کریاگە.

یەیش لەوەختیگە زویتر نوێنەر قەوارەى ئسرائیلى لە نامەگەى ئشارەت وەپى کردگە، جاریگتر هەوڵدا وە ورووژانن تومەت بى بنەما لەدژ کۆمار ئسلامى ئیران، تاوانەیل قەیزەوەن وەردەوامى دژ وە مەردم ستەمدیدە و بى وەرگرى فلستین پەردەپووش کەید.

سەفیر و نوێنەر هەمیشەیى ئیران لە نەتەوەیل یەکگرتگ سەعید ئیروانى، جەخت لەوەیش کرد، کۆمار ئسلامیى ئیران وەشیوەیگ تەواوى و ئاشکرا هەر جوورە تاوانکارییگ رەتەو کەید ک هویچ بنەمایگ نەیرن لە دەسوەرداین لە کاردانەوەى فلستینى وەرانوەر داگیرکارو دوشمنکارانەى قەوارەى زایۆنى.

وەل ئەوەیشا سەفیر ئیران لە نەتەوەیل یەکگرتگ وت: بڕیارەیل و ریوشوونەیل ئى دویاخرە ک فەسیلەیل مقاومەى فلستینى گرتنەى وەر، خود فلستینیەیل خوەیان بڕیارى دەن و یەیش لە بنەڕەتەوە وجوود دیرید لەلایان ئەرا بریار چارنویس.