وەرپرسیگ ناونەتەوەیى: لە سەرەتاى پەلامارداین غەززەوە 500 مناڵ فلستینى شەهید بوینە

ئیشراق

وەرپرس ئعلام لە ریکخریاگ نەتەوەیل یەکگرتگ ئەرا مناڵ(یونسێف)لە خوەرهەڵات ناوڕاس و باکوور ئەفریقیا، سەلیم عوەیس، جەخت لەوە کردن شمارەى ئەو مناڵەیلە ک لەسەرەتاى داگیرکاریى ئسرائیلییەوە ئەرا بان کەرت غەززە لە رووژ 7 ئوکتۆبەر/ تەشرین یەکەم 2023، شمارەى ئەو مناڵەیلە ک شەهید بوینە رەسیەسە 500 مناڵ، بیجگە زەخمداربوین 1600 مناڵ تر، لەوەختیگ ک شمارەى ئاوارەیل رەسیەسە زیاتر لە 400 هەزار کەس.

عویس لە لێدوانەیلیگ ئەرا ماڵپەڕ نەتەوەیل یەکگرتگ وت: شمارەى قوربانیەیل لە شەهیدەیل و زەخمدارەیل روێ لە زیایبوین کردگە.

وتیش: گاریگەرى لەبان خیزانەیل و مناڵەیل تەنیا لە حاڵەتەیل مردن و زەخمداربوین نییە، بەڵکوو کاریگەرى دەرونییش هەس، بیجگى کاریگەرییان لە بڕیان دەسمیەتەیل لەساى ریگرى چگنەناو ئەرا کەرت غەززە و بڕین ئاو و کارەبا.