14/10/2023
سیاسی 132 جار بینراوە
قسەکەر وەناو فەرماندەى گشتى ئاشکراى دەسکردن وە وەرگرتن دەسمیەتەیل ئنسانى کرد ئەرا مللەت فلستینى
ئیشراق
قسەکەر وەناو فەرماندەى گشتى هیزەیل چەکدار، لیواى هیزەیل تایبەت یەحیا رەسوڵ، ئمڕوو شەممە، ئاشکراى دەسکردن وە وەرگرتن بەخشین و دەسمیەتەیل ئنسانى کرد ئەرا مللەت فلستینى برا.
رەسوڵ لە بەیاننامەیگ وت: سوو یەکشەممە لە سەعات 9 شەوەکییەوە دەسکریەیدە وەرگرتن دەسمیەتەیل ئنسانى ئەرا مللەت فلستینى برا و رووژانە ئەرا ماوەى 24 سەعات.
وتیش: ئى گامە وەگوورەى رینمایەیل فەرماندەى گشتى هیزەیل چەکدار تیەید، تایبەت وە دامەزرانن لیژنەیگ هاوبەش ئەرا گردەوکردن بەخشین و دەسمیەتەیل ئنسانى ئەرا مللەت فلستینى برا و ئابڵوقەدریاگ لە غەززە.
ئى هەڵمەتیشە وەناونیشان( فەزعەیگ عیراقى ئەرا ئەقسا) هات.
ئشارەت وەیەیش کرد، بنگەیل پیشوازىکردن لە هاووڵاتیەیل ئەرا وەرگرتن دەسمیەت پیکهاتنە لەیانە:
- یەکەم- بارەگاى فەرماندەیى وەرگرى ئاسمانى، وەرانوەر عەباس بن فەرناس.
- دویەم- کۆمەڵگەى رەسوڵ ئەعزەم لە ناوچەى ئەعزەمیە.
- سێیەم- مۆڵ ناوەندى لە بەلەدیات.
جى باسە یەیش دەرخست ک شمارەى تەلەفۆیش ئەرا وەرگرتن دەسمیەتەیل تەرخان کریاگە
٠٧٧٢٩٩٧٢٧٣٩
٠٧٧٠٩٧٦٣٨٤٨