پەیامیگ لە غەززەوە ئەرا گشلایگ: قسەى خوەدان بویشن

ئیشراق

ئەو خوەینیشانداینەیلە ک ئى جومعە لەگشت وڵاتەیل عەرەبى و ئسلامى و لە وڵاتەیل ئەڵقە دەس وەپى کەن، لە جواودانەوەى دەسدریژى زایۆنیستەیل ئەرا بان خوین و پیرووزیەیل، گرنگى فرەیگ دیرن.

وەل وەسەرچگن هەفتەیگ لەبان جەنگ گەوراى "تەوەفان ئەقسا" و لەساى ئەو سەبر ئەفسانەیی فلستینیەیلە لە وەرانوەر جەنگ و کەرەستەیل تاواانکارى ئسرائیل و لە پشتیشیەوە ئدارەى ستەمکار ئەمریکا پیشکەشى کرد، جموجویل مللەتەیل عەرەب و ئسلامى نیشانەیگ جیاوازە ک تویەنید هاوکیشەگە ئاڵشت بکەید و پاڵ وە لایەنەیل جیاوازەوە بنەید ئەرا پاشگەزبوینەوە لەو پرووسەى جەمکوشییە ک تیەیدە تویشیان.

وسیان نەتەوەى عەرەبى و ئسلامى لە شان برایەیلیان لە فلستین و وەتایبەت لە کەرت غەززە کەمترین چشتە ک تویەنریەید پیشکەش وە مللەتیگ بکریەید ک دویاى ئەوەگ وەهووکار هەیمەنەتەوە زەلیل کریا، کەرامەت خوەى ئەرا مللەت هاوردەوە.

خوەرائاوایى و ئەمریکى و زایۆنى بایەسە ئەوە بزانن ئى مللەتە ک حاڵ و ماڵ خوەى لەریگەى رزگارکردن خاکەیل پیشکەش کردگە، هیمان وەردەوامە و گشت عەرەب و موسڵمانیگیش بایەسە بزانید ک بەشداریکردن کاراى لە چالاکیەیل رووژ جومعە 12/ 10/ 2023 ک لەگشت دەوڵەتەیل عەرەبى و ئسلامى و شمارەیگ لە دەوڵەتەیل ئەوروپایش دەس وەپى کەید فشاریگ راسەقینە دروسکەید لەساى وەرگرتن دەوڵەت داگیرکار نیشانەى سەوز لە ئدارەى ئەمریکى و خوەرئاوا ئەرا لەناوبردن مللەت فلستینى و کووتاییهاوردن وە کیشە دادپەروەرەگەى.

ئەو خوەینیشانداینەیلە ک ئى جومعە لەگشت وڵاتەیل عەرەبى و ئسلامى و لە وڵاتەیل ئەڵقە دەس وەپى کەن، لە جواودانەوەى دەسدریژى زایۆنیستەیل ئەرا بان خوین و پیرووزیەیل، گرنگى فرەیگ دیرن.

ئمڕوو تاقیکردنەوەى راسەقینەس ئەرا ئەو دروشمەیلە ک وە باڵاو خوەشەویسى فلستینەوە وتریەید، و ئمڕوو عوزر نییە ئەرا کەسیگ ک بەشدارى نەکەید لەى تەوەفانە لەوەر خاتر مزگفت ئەقسا، و ئمڕوو وەختیگە ک بایەسە گشتلایگ بەشدارى بکەن و قسەى خوەیان بویشن ئەرا کووتایهاوردن ئى قەوارەى داگیرکارە.