سەرۆک ئەنجومەن وەزیرەیل پیشوازیکرد لە وەزیر خارجیەى ئیرانى

ئیشراق

سەرۆک ئەنجومەن وەزیرەیل محەمەد شیاع سودانى، ئمڕوو پەنجشەممە، پیشوازیکرد لە وەزیر خارجیەى کۆمار ئسلامى ئیرانى حسێن ئەمیر عەبدولەهیان و وەفد یاوەرى.

لەو دیارە باس لە پەیوەندیەیل دولایەنى ناونى هەردوگ وڵات، و بارودوخ هەرێمى و ناودەوڵەتى و پیشهاتەیل ئى دویاخرە لەناو خاکەیل فلستینى و ئەو ئابڵوقە کریا ک هیزەیل داگیرکار زایۆنى چەسپاننەسەى لەبان کەرت غەززە.

جى باسە، سودانى جەخت لە هەڵویست نەگووڕ و بنەڕەتى عیراق کرد وەرانوەر ماف مللەت فلستینى لە ژیانیگ ئارام و دامەزرانن دەوڵەتیگ نیشتمانى و سەروەخوەى لەبان خاک و خوەڵ تاریخى خوەى.

لاى خوەیەوە، عەبدولەهیان سڵام سەرکردایەتى ئیرانى رەسانە سەرۆک وەزیرەیل و عیراق و جەخت لە دەور محوەرى عیراق کردەوە لە هەردوگ مەیدان عەرەبى و ئسلامى وەرانوەر کیشەیل ناوچەگەو هەوڵەیلى ئەرا چارەسەر.