گەردەلویل ئەقسا.. مقاومە مەحاڵ دروسکەید

ئیشراق

ئەو جەنگە ک مقاومەى کردەوەى، ئاگادارە لە دەرئەنجامەیلى، و وەشیوەیگ خاسیگیش ئامادەکارى ئەرا مامڵەکردن وەل گشت سیناریۆیەیل ناوى دیرید، لەوانەیش سیناریۆى لەناو و سەرسوڕمانەوە.

وە دریژایى ساڵەیل فرەیگ، مقاومەى فلستینى خوەى ئەرا جەنگ ئامادەکارى ئەرا جەنگ گەورا وەل داگیرکار تەرخانکرد، و شەو و رووژ خوەى ئەرا ئى رووژە ئامادە کرد و لەى مەسیرەیشە قوربانى و شەهیدەیل فرەیگ پیشکەش کرد.

مقاومەى فلستینى ئمڕوو وەگشت توانایگەوە چوودە ناو ئى جەنگەوە، ئەرا دروسکردن سوپرایز لەبان ئاست سیاسى، و لەبان ئاست ئەمنى و هەواڵگرى و لەبان ئاست سەربازى، ک لە سەرەتاى "گەردەلویل ئەقسا"وە کەس گومان لە سەرکەفتنە خاسەگەى نەیرید.

لەى جەنگە مقاومەى فلستین دویاى 17 ساڵ لە ئابڵوقەدان تویەنست مەحاڵەیل بڕەسنیدە ئەنجام، ئەویش وەو جوورەگ توانایەیل خوەى هاوردە کار و چەکەیلى دروسکرد و بەشیگیشى وە قاچاخ برد.

گشت ئەو وەربەس و فشار و جەنگەیلە وەدەر کرد ک مەرام لەلى لاواز و کزکردنى بوى، لەڕیگەى ستراتیجییەتیگ ئاشکراى بیناسازییەوە تویەنست هیزیگ سەربازى وەدەس بارید ک تواناى ئاڵشتکردن هاوکیشەیل ستراتیجى داشتوود.