کۆنگرەى نیشتمانى گشتى کوردەیل فەیلى پیروزبایى پرووسەى "گەردەلویل ئەقسا" لە مللەت فلستینى کەید

ئیشراق

کۆنگرەى نیشتمانى گشتى کوردەیل فەیلى پیروزبایى پرووسەى "گەردەلویل ئەقسا" لە مللەت فلستینى کەید، ئەویش لەڕیگەى بەیاننامەیگ ک لەتى هاتگە:

بسم الله الرحمن الرحيم

( أُذِنَ لِلَّذِينَ يُقَاتَلُونَ بِأَنَّهُمْ ظُلِمُوا ۚ وَإِنَّ اللَّهَ عَلَىٰ نَصْرِهِمْ لَقَدِيرٌ )

صدق الله العلي العظيم .

کۆنگرەى نیشتمانى گشتى کوردەیل فەیلى پیروزبایى پرووسەى "گەردەلویل ئەقسا" لە مللەت فلستینى و وەرگریکارە قارەمانەگەى کەید، ک لەتى دەیان کەس زایۆنیست داگیرکار کوشیا و ئەسیر کریان و خوەشى خستە دڵ ملیۆنەها موسڵمان و ئازادیخوازەیل جەهان، ئەوانەگ ستەم و زوڵمکارى زایۆنى وەرانوەر پیرووزیەیل ئسلامى رەتەو کەن,,!

کۆنگرەى نیشتمانى گشتى کوردەیل فەیلى جەتیش لە پشتگیرى جیگیر خوەى کەید ئەرا گشت بژاردەیل مللەت ئەزیز فلستینى وەخاتر وەرگرى لە خوەى و لە پیرووزیەیلى،،!!

ئیمە لەى رووژەیل سەرکەفتنە لەژیر ساى مەرجەع باڵا ئیمان سەید عەلى ئەلحسەینى ئەلسیستانى و ئیمان ئەلخامەنەیى سایەى موبارەکى دریژ بوود ژیەیم ک وت (قەوارەى زایۆنى لە مردنە) و هەناسەیل ئیمام کووچکردگ ئیمام خومەینى رەزاى خودا لەلى بوود ک دامەزرنەر محوەر مقاومە و گەوراى مقاومى جیهادکار گەورا سەید حەسەن نەسروڵڵا سایەى دریژ بوود.

هەمیشە بوین و سەرکەفتنەیلدان هەتا هەتاس بمینید ئەى قارەمانەیل سەرکردە، و مێژوو و رووژگار یاددان بکەید، ئیمەیش لە یەک سەنگەر هایم وەلدانا تا گشت خاک فلستین لە دەریاوە تا روبار رزگار کریەید،،!!!

﴿ يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ ﴾