تاوانەیل کوشتن لە فلستین... ململانى قوربانیەیل و چارەسەر نیشتمانى

ئیشراق

" ئسرائیل وەرپرسیارێتى تەواویگ کەفیدە بانى لە بڵاوکردنەوەى وە ئەنقەز چەک و ماددەیل هوشبەر و کوشتن تاوانکارى، و گشت رووژیگیش کوشتن و کوشتار روێ دەید، ک ئسرائیل لەلى وەرپرسیارە ".

هەفتەیگ وەرجە ئیسە لە ئاوایى بەسمە تەبعون لە ناوچەى ئەلجەلیل لە باکوور فلستین داگیرکریاگ لەساڵ 1948ەوە، پەنج فلستینى لە بنەماڵەیگ وە گولە کوشیان، وەیەیش شمارەى قوربانی کوشتنەیل مانگ ئەیلوول ساڵ گوزەیشت لەناو خاکەیل داگیرکریاگ فلستین رەسیە 26 قوربانى، و ئەرا 181 قوربانى لە سەرەتاى ساڵ 2023ەوە.

یەیش شمارەى فرەیگە وە بەراورد وەل ساڵەیل وەرین، ک زویتر ریژەى کوشتن وە بەرز دانریا، وەتایبەت لە پەنج ساڵ گوزەیشت، وە ریژەى 100 کوشتن ساڵانە، و ئى راسییشە هەوەجە وە ئەوە دیدرید شیکردنەوە ئەراى بکریەید لە هەوڵیگ ئەرا زانستن رەگ و ریشگ خوەى وەو ئومیدە ک بەشدار بوود لە پەرەوەپیداین دیدگایگ نیشتمانى ئەرا کووتاییهاوردن وەپى، و یەیش لە هەمان وەخت هەوەجە وە گەردین لەشوون رەگ و ریشە دیرید ک درەخت تاوان زەرەدبەخش ک پرووژەى زایۆنییە، لەلییەوە گەشە کەید.

پرووژەى نیشتەجیکردن زایۆنى دەسکردە بەتاڵکردن خاک فلستین لە مللەتە عەرەبییە فلستینییەگەى ئەرا جیوەجیکردن درووەیل زایۆنى "فلستین خاک بى مللەت ئەرا مللەتیگ بى خاک"، ئەوە بوى چەتەیل چەکدارزایۆنى ستراتیجییەت رخەوبردن هاوردە کار لەڕیگەى کوشتارگە و بانگەشەیلەوە ئەرا رخەوبردن و تەهجیر مللەت فلستینى لە شار و ئاوایەیلى.

جى باسە، چارەسەریش ئەرا کووتاییهاوردن وە تاوانەیل کوشتن بایەسە نیشتمانى و فلستینى بوود، وەرنگاربوینەوەى تاوان وەگشتى و کوشتن وە تایبەت بکەیدە بەشیگ لە پرووژەى نیشتمانى فلستینى و وەرنگاربوینەوەى داگیرکارى.

یەیش هەوەجە دیرید وە هاودەنگى گشت سەرکردەیل فلستینى و مەردم و چالاکیەیل کۆمەڵگاى فلستینى لە ناوخود داگیرکریاگ ئەرا پشتگیرى لە فلستینیەیل لە کنار خوەرئاوا و کەرت غەزە وەرەو جیوەجیکردن پرووژەیگ نیشتمانى.