کردنەوەی چوارەمین پیشانگای تایبەتمەند ئیرانی لە شار سلێمانی لە عیراق

ئیشراق

لە شار سلێمانى لە عیراق چوارەمین پیشانگاى تایبەتمەند کۆمار ئسلامى ئیران وە بەشدارى 80 کۆمپانیاى پیشەسازى کریاوە.

لە چوارچیوەى کردنەوەى چوارەمین پیشانگاى تایبەتمەند کۆمار ئسلامى ئیران لە سلێمانى لە عیراق، قونسوڵ گشتى ئیرانى لە سلێمانى "محەمەد مەحمودیان" باس لەوە کرد، کردنەوەى ئى پیشانگا بوودە پەرەداین وە پەیوەندیەیل دولایەنى لە بوارەیل ئابوورى و رووشنهویرى و کۆمەڵایەتى.

ئى پیشانگا رووژ سێشەممە 3ى تەشرین یەکەم/ ئوکتۆبەر کریاوە وەئامدەبوین هەریەک لە پاریزگار سلێمانى "هەڤاڵ ئەبو بەکر" و وەزیر پیشەسازى و بازرگانى لە کوردستان عیراق "کەمال موسلم" و ئەمیندار ئەنجومەن باڵاى ناوچەیل ئازاد ئەرا ئابوورى تایبەت لە کۆمار ئسلامى ئیرانى "حوجەتوڵلا عەبد ئەلملکى" و ئەمیندار غورفەى بازرگانى و پیشەسازى و مەنجمەیل هاوبەش ئیرانى و عیراقى "جەهانبەخش سنجابى شیرازى".

جى باسە، ئى پیشانگاى ئیرانى تایبەتمەندە وەردەوام بوود تا رووژ شەممە 7 تەشرین یەکەم/ ئوکتۆبەر 2023.