02/10/2023
ڕاپۆرت 60 جار بینراوە
لە "ئسرائیل خوەرهەڵات"ەوە ئەرا عەرەب ئاساییبوینەوە: دڵخوەش ئەوەسە لە کەسەیل ترەوە یای گرید!
ئیشراق
ئەو راسییە ک لە سەرەتاى دامەزراننیەوە تا ئیسە یەک کاندید یەهوودى خوەرهەڵاتى سەرکردایەتی ئسرائیل نەکردگە، شکستیگ ئاشکراى کۆمەڵایەتییە، و بەڵگەس لەبان ئەوەگ ک ئەو قەوارە وەشیوەیگ دەنگدانەوە لە بەرژەوەندى کەلتوور داگیرکار خوەرئاوایى بویە.
سەرکردەیل ئسرائیلى وە تامازروو فرەیگەوە باس لە ریککەفتن ئەگەرەیل ئاساییکردنەوە وەل سعودیە کەن و وەدریژایى لە شماردن ئەو نعمەتەیل گەوراو خاسە ژیەن ک ریککەفتنەگە ئەرا مللەتەیل ناوچەگە رەسنیدەى.
ڕۆن دێرمر، وەزیر کاروباری ستراتیژی ئیسرائیل لە میان دیداریگ تەلەفزیۆنی وت: ئەگەر ریککەفتن ئاشتى لەناونى سعودیە و ئسرائیل روی بەید، ئەوە بوودە سەرەتاى کووتایىهاتن ململانی ئسرائیل و عەرەب، وەیەیش ئاشتەوایى ناونى یەهوودى و ئسلام جیوەجى کەیم، و دەرفەت ئاشتى وەل فلستینیەیل زیاترەو کەیم.
وەلێ وەزیر خارجیەى داگیرکار ئیلى کۆهین وت: فلستینیەیل نیەونە وەربەس لەوەردەم ئاساییبوینەوە وەل سعودیە، هەرلەیوا هویچ پیشبڕکییگ چەک ئەتۆمى نیەود و ریککەفتنەگەیش بوودە هووکار بەرزکردنەوەى ئاسایش و سەقامگیرى ناوچەگە.
لەیوا دیارە ئەیە دیمەنیگ تاڕادەیگ گەمەجاڕى و کۆمیدى بوود، ئمجا ئسرائیل ک پرووژەى زایۆنى خوەى لەبان ویرانەیلى عەرەبى بنیات نا و کردەى کەلتوور دوشمنایەتى ک بایەسە جەنگ وەلیا بکریەید، لەوەر ئەوە جەنگ زووان عەرەبى کرد، کەلتوور عەرەبى بى قیمەت کرد، و گشت عەرەبەیل کردە تیرۆریست و مەترسیدار، هەمان ئەو کەسەسە ک دەرکەفید، ئمڕوو ئیمە لە کلپەل بانگخوازەیلیم و باس بەرهەم پەیوەندیمان وەل عەرەبەیل کردیم، بەڵى هەر ئەوانە ک چڕیان ، و ئیسەیش داواى کوشاننەوەى و وەرنگاربوینەوەى کەلتوورەگەیان کەن، و جوور هەڕەشەیگ راسەقینە ئەرا بان وجوود یەهوودیەیل و دەوڵەت یەهوودى پیشکەشى کردن!
ئەو راسییە ک لە سەرەتاى دامەزراننیەوە تا ئیسە یەک کاندید یەهوودى خوەرهەڵاتى سەرکردایەتی ئسرائیل نەکردگە، شکستیگ ئاشکراى کۆمەڵایەتییە، و بەڵگەس لەبان ئەوەگ ک ئەو قەوارە وەشیوەیگ دەنگدانەوە لە بەرژەوەندى کەلتوور داگیرکار خوەرئاوایى بویە.
وە دڵنیاییەوە قسەکردن وەل عەرەب ئاساییکردنەوە دەسمیەتدەرمان نیەود، ئاشقەیل ئسرائیل خوسەیان لە خوەیان تیەید لەوەر ئەوەگ خوەشەویستەگەیان وەتایبەت وەرانوەر عەرەب و فلستینیەیل کردەسەى و کەیدەى، لەوانەیش کوشتن و زەرەدڕەسانن و ئاوارەبوین.