کەربەلاى پیرووز.. سەرکەفتن"تەکنیکى"لە نەفپاڵوو شار پیشکەفتگ!

ئیشراق

وەزارەت نەفت، جەخت لەوە کرد، نەفتپاڵوو کەربەلا لە حاڵ حازر وەگشت وزەیگ دیزاینکریاگ کار کەید ک (140) هەزار بەرمیل رووژانەس، و ئشارەتیش وە سەرکەفتن وەکارخستن تاقیکارى یەکەى بەرهەمهاوردن گازۆلین کۆالێت بەرز کرد.

بریکار وەزارەتەگە ئەرا کاروبار پاڵین، حامد یونس زەوبەعى لە میانەى سەردانى ئەرا نەفتپاڵوو کەربەلا، باس لەوە کرد، نەفتپاڵوو کەربەلا لە حاڵ حازر وەگشت وزەیگ دیزاینکریاگ کار کەید ک (140) هەزار بەرمیل رووژانەس، و باسیش لە سەرکەفتن وەکارخستن تاقیکارى گشت یەکەیلى کرد و لەوانەیش یەکەى (FCC) ک گازۆلین کوالێت بەرز تیەریدە بەرهەم.

روبەیعى هەمیش وت: بەرهەم نەفتپاڵووەگە لە ماددەى گازۆلین لە جوور موحەسەن رەنگ قرمز(92 ئۆکتان) و سوپەر رەنگ سەوز (95 ئۆکتان)ە، ک (70%) هەوەجەى وڵاتەگە پڕەو کەید، و لە ریژەى هاوردەى ئى ماددە لە دەیشت وڵاتەوە کەمەو کەید.