27/09/2023
ڤیدیۆ 72 جار بینراوە
وەزیر خوەنین باڵا جەخت لە ماف عیراق لە وەکارهاوردن سەلامەتى تەکنۆلۆجیاى ئەتۆمى کەید
ئیشراق
وەزیر خوەنین باڵا و توێژینەوەى زانستى نەعیم ئەلعەبدوى، جەخت لە ماف عیراق لە وەکارهاوردن سەلامەتى تەکنۆلۆجیاى ئەتۆمى و وەکارخستنى کەید لە بوارەیل پەرەوەپیداین.
وەگوورەى بەیاننامەى وەزارەت خوەنین باڵا ک ئیشراق ئاگادارى بوى، کارەیل کۆنگرەى گشتى لە شەس و هەفتەمین خول ئاژانس ناودەوڵەتى وزەى ئەتۆمى لە ڤیەنناى پایتەخت نەمسا دەسوەپیکرد لە ماوەى ناونى 25 تا 29 ئەیلوول 2023 وەئامادەبوین وەرپرس و نوێنەر دەوڵەتەیل ئەندام لە ئاژانسەگە ئەرا تاوتویکردن قەیرى تەوەر ک لە خشتەى کارنامە دانریانە.
وتیش، نەعیم ئەلعەبودى وەزیر خوەنین باڵا و توێژینەوەى زانستى و سەرۆک دەسەى وزەى ئەتۆمى سەرۆکایەتى وەفد عیراق کرد ک لە وتاریگ فەرمى جەخت لە ماف عیراق کرد لە وەکارهاوردن سەلامەت و ئاشتیانەى تەکنۆلۆجیاى ئەتۆمى و وەکارخستنى لە پەرەوەپیداین ژینگەى ئابوورى و کشتوکاڵى و وەگەڕخستن پرووژەیلى.