لیزەر لە گشت بەرەیل جەنگەوە.. ئایا ئارەزوو ئسرائیل جیوەجى بوود؟

ئیشراق

ئسرائیل لە وەخت روێ وەڕوێ بوینەوەگەیشى دەسکردە داناین رەهەند ئابوورى لەبان مێز، لەوەختیگ گ دگان وە ئەوەیا نەید ک خەرج یەک مووشەک لە سیستەم قوبەى ئاسنین رەسیەسە 30 هەزار دۆلار.

ئەوەگ میدیایەیل ئسرائیلى ئاشکراى کردنە سەبارەت وە قەیرى هویردەکارى پلان سەربازیى چەن ساڵە، ک هێرزى هالڤلا سەرۆک ئەرکان داگیرکار ئسرائیلى ئامادەى کەید، وەتایبەت سەبارەت وە یەکیگ لە پایەیل گرنگى ک وە سیستەم لیزەر ناسریاگە، یا ئەوەگ ئسرائیلیەیل وەپى ئویشن "قەڵغان رووشنایى"، ک ئەو کار لەبان تەواوکردن پەرەوەپیداینى کەید و دەس کەید وە وەکارهاوردنى مەوقەى ک مەرزەیل وەل کەرت غەزە لە کووتایى ساڵ 2025، و لە مەرزەیلى وەل لوبنان لە کووتایى ساڵ 2027، و دگان وەپیا ناین ئاشکراى ئسرائیل ک ئەیە سیستەم یاسایەیل وازیەگە ئاڵشت کەید، رەنگدانەوەى بەرزبوینەوەى پەیمانەیل قەوارەى هەڕەشەیل گەوراى مقاومەى لوبنان و فلستین لە چەنایەتى و کوالێتى، ک ئیسە ئسرائیل لە هەردوگ بەرە نیگەران کردگە، و لوبنان و کەرت غەزە، و تواناى مقاومە ئەرا چەسپانن هاوکیشەیل هیز و تیرۆر و ریگریکردن وەیەکەوە دەرخەید.

ئسرائیل دگان وە ئەوەیا نەید ک سیستەم مووشەکى و تەیارەى بى تەیارەوان ک مقاومەى لوبنان و فلستین خاوەندارێتیى کەید، تەحەداى ئەمنیى گەورەیگ ئەراى دروس کەید، و کار کەید و پیشبڕکى وەل وەختەو کەید ئەرا پەرەداین وە سیستەم لیزەر ئەرا وەکارهاوردنى لە هەر جەنگیگ ئەگەرکریاگ.

یەیش لەوەختیگە ک ئیسرائیل نیگەرانى ئەوە کەید زیاتر و زیاتر بوون لە ئەنجام ترس گەوراى ئسرائیل لە وەردەوامبوین لە دابینکردن ئیران لە پشتگیرى هاوپەیمانەیلى لە حزبوڵڵا و مقاومەى فلستین وە فەوجەیل گەوراى تەیارەیل بى تەیارەوان و نەوەى تازەى مووشەک.