300 هەزار مناڵ لە لیبیا وە هووکار زریانەیل دانیالەوە زەرەد وەپیان رەسیە

ئیشراق

ریکخریاگ یونسێف وت: نزیکەى 300 هەزار مناڵ لە ئەنجام ئەو زریان تون دانیالە ک روێ لە خوەرهەڵات لیبیا کرد زەرەد وەپیان رەسیە.

ریکخریاگ یونسێف سەر وە نەتەوەیل یەکگرتگ، باس لەوە کرد ئەو لافاوەیلە زەرەدەیل فرەیگ رەسانەگە وە شمارەیگ لە ماڵ و نەخوەشخانە و خوەندنگا و شوون و ناوچەیل لە وڵاتەگە.

یەیش دەرخست ک دەرئەنجام لافاوەیل فرەجار زەرەد فیشتر وە مناڵەیل رەسنید لە رویداگەیل کەشوهەواى تون.

شارەزایەیلیش باس لەوە کردنە ک مناڵەیل لەناونى ئەو چینەیل فرە نازگەنە ک وەتونى تویش مەترسى نەخوەشیەیلیش تیەن وەل کەمى ئاو خواردن و خراوى خوەراک و پەککەفتن پەروەردە.

جى باسە، وەل کەمى دەسمیەتەیل و کەمبوین ئاوەیل پاک و سازگار ئەرا خواردن، ئەو ریکخریاگ ناونەتەوەییە ترس ئەوە دیرید ک مناڵەیل تویش نەخوەشیەیل جوراوجوور بوون، لەوانەیش زگچین و کولێرا، بیجگە جەفاف و کەمخوەراکى.