16/09/2023
زانست و تەکنۆلۆجیا 160 جار بینراوە
هاوشیوەى ئادەمیزادن.. رۆبۆتەیل چنە ناو وازییگ و هاندەرەیل رخەو بەن!
ئیشراق
شمارەیگ لە هاندەرەیل تووپ پاى ئەمریکى، ک چینەسە ناو وازییەگەى لۆس ئەنجلۆس چارچەرز و مەیامى دۆلفینز، سەریان سوڕمەند مەوقەى ک شمارەیگ رۆبۆت پەلامار مەیدان وازییەگە دان.
لە میانەى وازییەگە ک هەفتەى گوزەیشت وەڕیەوچى، شمارەیگ هاندەر رەسم رۆبۆتەیل گرتن ک هاوشیوەى ئادەمیزادن، وە پەیوەندى کارەباییەوە، ک وە گوماناوى لەناو کۆریدۆرەیل وازیگاگە و لە وازیگاگە سەرگەردان بوین، یەیش شمارەیگ هاندەر رخەو برد.
جى باسە، وەل ئەوەیشا بەعزیگ لە هاندەرەیل باوەڕیان ئەوە بوى ئەو رۆبۆتەیلە لەڕاسى ئادەمیزادن وە کەلپەل "ئادەمیزاد ئەلکترۆنییەوە"، وەلێ دویاى پرسیارکردن ئەڕایان دەرکەفت ک رۆبۆتن و دیزاین کریانە ئەرا چگن وەناو وازیگایەیل.