قمەى 77 و چین... باشوور بایەسە جاریگتر دابنیشید

ئیشراق

ئەو دەرفەت گەورا ک وڵاتەیل تازەڕەس جەهان وەشوونیا گەردن، لەچوارچیوەى گرووپ 77 و چین، ئەوەسە ک چین دەور گەشەوەپیداین بوینید وەرانوەر وە وڵاتەیل باشوور، یەیش ریگە وە ئاسانکارى دەید ئەرا تیپەڕانن هەناردەکردن وڵاتەیل تازەڕەس ئەرا جەهان.

ئشارەت وەیەیش کردگە، و وتگە ئیمەى وڵاتەیل تازەڕەس ئەو پابەندبوینەیلە خەیمنەوە هویریان ک وەرانوەر وڵاتەیل تازەڕەس جیوەجیى نەکردنە، لەوانەیش تەرخانکردن 0.7% بەرهەم گشتییان ئەرا هاوردەکردن پرووژەیل گەشەوەپیداین لەورا. یەیش لەلایەن نادیسکا ناڤارۆ نێردەى کووبا لە نەتەوەیل یەکگرتگ مانگیگ وەرجە ئیسە ئاشکرا کریا لە قمەى هاڤاناى گرووپ 77 و چین، ک ئیسە لەژیر دروشم زانست و تەکنۆلۆجیا و داهێنان ساز کریەید.

وتارەگوەى ناڤارۆ لەو وەختەیلە قەیرى باوەت لەخوەى گرتوید، دیارترینیان: قایمکردنەوەى تووڕ سەلامەتى دارایى جەهانى، و دوبارە ئامانجدارکردن بانکەیل گەشەوەپیداین فرەلایەنى، و خاسترکردن مەرجەیل ماف تایبەتى کیشانن سندووق عوملەى ناودەوڵەتى، و نوێنەرایەتى زیاتر وڵاتەیل تازەڕەس لە بانک ناودەوڵەتى، و داناینەوەى قەرز وڵاتەیل گەشەکردگ، و پڕکردنەوەى بۆشایى دیجیتاڵ ناونى وڵاتەیل تازەڕەس و پیشکەفتگ(ئەوەیش لە هویرمان بوود ک دانشتن وڵاتەیل باشوور لەسەردەم جەنگ سەرد داواى پڕکردن پۆشایى کارەباى ناونى وڵاتەیل تازەڕەس و پیشکەفتگ کردیان، و تائیسەیش نیمەى مەردم ژیردەسەى ئەفریقیاى بیاوان گەورا دەسیان وە کارەبا نیەڕەسید).