سامسۆنگ خەریک پەرەداینە وە نەوەیگ تازەى مۆبایلە ک قابل وە قاتکردنە!

ئیشراق

"سامسۆنگ" پەرە دا نەوەى پەنجم لە مۆبایلەگەى ک قابل وە قاتکردنە "گالاکس زید فولد5" Fold5 وە شاشەى گەورایگەوە ک وە ستوینى قات کریەید.

ئى مبایلە خاسترین تایبەتمەندیەیل موبایل و ئامێر لەوحى وەیەکەوە گریدە خوەى، و ئى نەوە پەرەسەندن فرەیگ لە دیزانیش گریدە خوەى وەل شیوازیگ بەرزتر لە ئەدا، و "خوەهەڵات ناوین" تاقییەو کرد.

دیزاین ئى مۆبایل فرە ریک وپیکە و تەفاعولکردنیش وەلیا ئاسانە ک وە دەسیگ تویەنید شاشەگە داخەید، و هاوشیوەى نەوەى هەفتەمە تەنیا شوون رووشناییەگە"فلاشەگە"ى نەود لە پشتەوە.

وەل ئەوەیشا ئى مۆبایلە مقاومەى ئاو و هەڵم کەید وەگوورەى معیار IPX8 (تویەنید مقاومەى تەڕى بکەید ئەرا قویلایى یەک مەتر و نیم و ئەرا ماوەى 30 دەقە).